4.3.2.7 Formalización do modelo 200

Os contribuíntes deberán consignar na clave [01032] «Reserva de capitalización» da páxina 13 do modelo 200 o importe da redución na base impoñible á que teñan dereito no período impositivo obxecto de declaración, pola aplicación da reserva de ca­pitalización. O devandito importe será o que resulte da formalización do cadro de desagregación «Reserva de capitalización» da páxina 20 bis do modelo 200 (véxase apartado seguinte).

As sociedades que forman parte dun grupo que tributa en réxime de consolidación fiscal que marcasen as claves [00009] ou [00010], deberán cubrir directamen­te a clave [01032], sen realizar a desagregación no cadro de Reserva de capitalización da páxina 20bis do modelo 200.

Doutra banda, segundo o previsto no número 2º do artigo 43.1.b) da LIS, as agrupa­ciones de interese económico poden imputar aos seus socios a reserva de capitalización que non aplicasen no período impositivo. Nese caso, os socios deberán incluír na clave [01032] o importe correspondente a esa reserva de capitalización que lles foi imputada. Este mesmo suposto é aplicable tamén no caso das unións temporais de empresas.