4.3.3.2 Desagregación de bases negativas: Estrutura da pantalla de desagregación

Na columna "pendente de aplicación a principio de período", reflectirase o importe das bases impoñibles negativas que estivesen pendentes de compensar a principio do período impositivo, indicando o ano en que se xeraron.

Na columna "aplicada nesta liquidación ", reflectirase o importe das bases impoñibles negativas que se compensen neste período impositivo, segundo o ano en que se xeraron.

Na columna "pendente de aplicación en períodos futuros", o formulario de formalización reflectirá o importe das bases impoñibles negativas que queden pendentes de compensar en períodos futuros. Non se inclúe o importe da base impoñible que, se é o caso, puidese xerarse no período impositivo obxecto de declaración.

A fila «Compensación de base ano 2018 (*)» soamente deberá cubrirse se a entidade declarante ten bases impoñibles negativas por outro período impositivo iniciado tamén en 2018 pero inferior a 12 meses e previo ao período impositivo que é obxecto de declaración.

No caso de entidades cuxo período impositivo non se corresponda co ano natural ou que teñan período impositivo partido, as bases impoñibles negativas de períodos anteriores pendentes de compensación deberán incluírse como procedentes do ano en que o exercicio se iniciase.