7.1.6 Bonificacións entidades dedicadas ao arrendamento de vivendas (Capítulo III do Título VII LIS)

Estas bonificacións serán aplicables ás entidades arrendadoras de vivendas, acollidas ao réxime fiscal regulado no capítulo III do título VII da LIS.

• Porcentaxes de bonificación : 85 por 100.

• Rendas bonificadas : As rendas derivadas do arrendamento de vivendas. A renda que hai que bonificar derivada do arrendamento estará integrada para cada vivenda polo ingreso íntegro obtido, minorado nos gastos directamente relacionados coa obtención do devandito ingreso e na parte dos gastos xerais que correspondan proporcionalmente ao citado ingreso.

  Tratandose de vivendas que fosen adquiridas en virtude dos contratos de arrendamento financeiro (Cap. XII do título VII da LIS), para calcular a renda que se bonifica non se terán en conta as correccións derivadas da aplicación do citado réxime especial.

• Base da bonificación : A parte da cota íntegra que corresponda ás rendas bonificadas.