8.11.2 Formalización dos importes analizados (cadro da pág . 18 bis)

Os contribuíntes consignarán na clave [01041] «Dedución por reversión de medidas temporais DT 37ª.2 LIS» da páxina 14 do modelo 200, o importe correspondente a estas deducións que apliquen no período impositivo obxecto de declaración. O importe consignado nesta clave será o que resulte da formalización do cadro de desagregación da páxina 18bis do modelo 200 que se explica a continuación. O apartado «Dedución por reversión de medidas temporais (DT 37ª. 2 LIS)» situado na páxina 18 bis do modelo 200, deberase cubrir da seguinte forma:

Na columna «Base de dedución» consignaranse os importes correspondentes ás cantidades que se integren na base impoñible dos exercicios 2015 a 2018 derivadas da amortización do incremento neto de valor resultante da actualización de balances previstos no artigo 9 da Lei 16/2012, do 27 de decembro.

Na columna «Importe xerado/pendente ao principio do período »consignaranse os importes derivados de aplicar ás cantidades da columna «Base de dedución», a porcentaxe do 2 por cento (para o período impositivo 2015) e do 5 por cento (para os períodos impositivos 2016 a 2018). A fila «2018 (*)» só debe cubrirse se a entidade ten deducións pendentes de aplicar, correspondentes a un período impositivo anterior iniciado en 2018.

Na columna «Importe aplicado» consignaranse os importes correspondentes ás can­tidades consignadas na anterior columna «Importe xerado/pendente ao principio do período », que se aplicasen no período impositivo obxecto de declaración.

Na clave [01041] recollerase o total dos importes consignados na columna «Apli­cado nesta liquidación »que deberá trasladarse á clave [01041] da páxina 14 do modelo 200 referente á liquidación do Imposto.

Na columna «Importe pendente» consignaranse os importes correspondentes ás cantidades que queda pendente de aplicar para períodos impositivos futuros.