9.3.1 Apartado “Limitación na deducibilidade de gastos financeiros. Art. 16 LIS (excluídos aqueles a que se refire o art. 15 g), h) e j) LIS)”

Neste apartado detállanse nas claves [01240] a [01259] os distintos conceptos clasificados nas letras a) a m) que a entidade deberá cubrir se é o caso, en aplicación das distintas regras que sobre a limitación na deducibilidade dos gastos financeiros establece o artigo 16 da LIS.

Todos estes conceptos, que en determinados casos comportan a realización de operacións aritméticas, divídense neste apartado en dous bloques: un, que se corresponde coa aplicación do límite adicional establecido para os gastos financeiros derivados de débedas desti­nadas á adquisición de participacións no capital ou fondos propios de calquera tipo de entidades establecidas nos artigos 16.5 e / ou 83 da LIS (claves [01240] a [01244]); e outro, que se refire á aplicación do límite establecido para os gastos financeiros netos regulados no artigo 16.1 e 2 da LIS (claves [01245] a [01259]).

Se os gastos financeiros netos deducibles no período (xerados no propio período e en períodos anteriores aplicados) son inferiores ao 30 %de [i1+i2+i3+i4+i5], e a 1.000.000 € o importe que hai que consignar na clave [01249] é o 30% de [a-b-c-d + e] e se son supe­riores a 1.000.000 € o importe que hai que consignar na clave [01249] é o maior de 30% de [i1+i2+i3+i4+i5] ou 1.000.000 €.

O límite de 1.000.000 € débese ratear, se é o caso, en función dos días do período impositivo respecto do ano.

No referente á clave [01248], se os ingresos financeiros do período impositivo derivados da cesión de capitais propias (clave [01247]) son superiores aos gastos financeiros do período impositivo excluídos aqueles a que se refire o artigo 15 g), h), e j) da LIS , aos gastos financeiros do período impositivo non afectados polo artigo 16.5 e 83 da LIS , aos gastos financeiros do período impositivo derivados de débedas por adquisición de participacións afectadas polos artigos 16.5 e 83 da LIS e aos gastos financeiros netos do período non deducible por aplicación do límite dos artigos 16.5 e 83 da LIS (claves [01246], [01245], [01240] e [01243], respectivamente), o importe que hai que consignar na clave [01248] é cero.