10.2.8 Aboamento por conversión de activos por imposto diferido en crédito esixible fronte á Administración tributaria

Os activos por imposto diferido correspondentes a dotacións por deterioración dos créditos ou outros activos derivados das posibles insolvencias dos debedores non vinculados co contribuínte, non debidos con entidades de dereito público e cuxa deducibilidade non se produza por aplicación do que se dispón no artigo 13.1.a) desta Lei, así como os derivados da aplicación dos apartados 1 e 2 do artigo 14 desta Lei, correspondentes a dotacións ou achegas a sistemas de previsión social e, se é o caso, prexubilación, poderán converterse nun crédito esixible fronte á Administración tributaria nos termos establecidos nos apartados 1 e 2 do artigo 130 da LIS.

Segundo o que se dispón no artigo 130.4 da LIS as entidades que realicen a conversión dos activos por imposto diferido referidos no parágrafo anterior nun crédito esixible fronte á Administración tributaria, poderán optar por solicitar o seu aboamento á Administración tributaria ou por compensar os devanditos créditos con outras débedas de natureza tributaria de carácter estatal que o propio contribuínte xere a partir do momento da conversión, seguindo o procedemento establecido no artigo 69 do RIS.

Con esta finalidade, se a entidade opta por solicitar o aboamento do crédito esixible fronte á Administración tributaria, deberá consignar o devandito importe na clave [00150] «Aboamento por conversión de activos por imposto diferido en crédito esixible fronte á Administración tributaria (art. 130 LIS)» da páxina 14bis do modelo 200:

• No caso de que a entidade tribute exclusivamente na Administración de Estado, deberá consignar o importe na clave [01020] «Aboamento por conversión de activos por imposto diferido en crédito esixible fronte á Administración tributaria (art. 130 LIS) (Estado)». Neste caso, o importe da clave [01020] coincidirá co da clave [00150].

• No caso de que a entidade tribute ante unha ou varias Deputacións Forais da Comunidade Autónoma do País Vasco e / ou Comunidade Foral navarra, deberá consignar o importe na clave [01043] «Aboamento por conversión de activos por imposto diferido en crédito esixible fronte á Administración tributaria (art. 130 LIS) (D. Forais/Navarra)». A formalización desta clave realizarase na páxina 26 do modelo 200 (á que se accederá directamente ao pulsar o botón de formalización).