11.2.1.1 Ingresos computables

Columna: Resultados cooperativos

Neste campo consignaranse os ingresos que teñan a natureza de cooperativos, e que son os enunciados no artigo 17 da citada "Lei 20/1990":

• Os procedentes do exercicio da actividade cooperativizada realizada cos propios socios.

• As cotas periódicas satisfeitas polos socios.

• As subvencións correntes.

• As imputacións ao exercicio económico das subvencións de capital na forma prevista nas normas contables que sexan aplicables.

• Os intereses e retornos procedentes da participación da cooperativa, como socio ou asociado, noutras cooperativas.

• Os ingresos financeiros procedentes da xestión da tesourería ordinaria, necesaria para a realización da actividade cooperativizada. 

Columna: Resultados extracooperativos

Neste campo consignaranse aqueles ingresos que teñan o carácter de rendementos extracooperativos, que son os enumerados polo artigo 21 da citada "Lei 20/1990":

• Os procedentes do exercicio da actividade cooperativizada cando fóra realizada con persoas non socios.

• Os obtidos de investimentos ou participacións financeiras en sociedades de natureza non cooperativa.

• Os obtidos de actividades económicas ou fontes alleas aos fins específicos da cooperativa.

Dentro destes incluiranse os procedentes das Seccións de Crédito das cooperativas, con excepción dos resultantes das operacións activas realizadas cos socios, dos obtidos a través de cooperativas de crédito e dos procedentes de investimentos en fondos públicos e valores emitidos por Empresas públicas (estes últimos excepcionados teñen a consideración de resultados cooperativos).

Para que non se perda a condición de cooperativa fiscalmente protexida, o volume de operacións con terceiros non socios non poderá superar o 50 por 100 do total de operacións da cooperativa.