11.2.1.11 Factor de esgotamento

Consignarase, con signo negativo, nas claves [C11] e [E11] a redución por factor de esgotamento correspondente ás cantidades destinadas por aquelas sociedades cooperativas que desenvolvan actividades polas que poidan acollerse ao réxime fiscal da minaría ou ao réxime fiscal da investigación e explotación de hidrocarburos, segundo que corresponda a resultados cooperativos ou extracooperativos, respectivamente.

Ademais consignarase, con signo positivo, nas claves [C11] e [E11], como aumento ao resultado contable, as cantidades que deban ser integradas na base impoñible por producirse algún dos supostos establecidos nos artigos 94 e 97 da LIS, segundo que corresponda a un ou outro tipo de resultados.

Así, as claves [C11] e [E11] terán correlación coas claves [00382] e [00381] que figuran na páxina 13 do modelo 200, de tal xeito que a clave [C11] pode cubrirse trasladando, con signo negativo, o importe consignado na clave [00382] e, con signo positivo, o consignado na clave [00381], que correspondan aos resultados cooperativos, e a clave [E11] pode cubrirse trasladando, con signo negativo, o importe consignado na clave [00382] e, con signo positivo, o consignado na clave [00381], que correspondan aos resultados extracooperativos.