11.10.2 Especialidades de formalización do modelo 200

As entidades constituídas no estranxeiro con presenza en territorio español teñen que marcar a clave [00046] no apartado «Caracteres da declaración »da primeira páxina do modelo 200.

Na páxina 2, apartado A, tén quese identificar o representante da entidade.

Nas páxinas 3, 4, 5, 6, 7, 8, 9, 10 e 11 teñén quese incluír o Balance, a Conta de Perdas e Ganancias, e o estado de cambios no patrimonio neto correspondente ás actividades desenvolvidas pola entidade en España.

Na páxina 13, claves [00409] e [00410], débense realizar as correccións ao resultado contable que resulten necesarias para determinar a base impoñible, que se calculará conforme ás regras que establece o artigo 38 da Lei do Imposto sobre a Renda das Persoas Físicas.

Nos períodos impositivos iniciados dentro do ano 2017, as entidades constituídas no estranxeiro con presenza en territorio español tributan ao tipo impositivo do 25 %. Sobre a cota íntegra poden aplicar as mesmas bonificacións e deducións establecidas para establecementos permanentes de persoas físicas ou entidades non residentes.

Estas entidades deben utilizar o modelo 206 como documento de ingreso ou devolución.