2.7.1.8 Agrupación de interese económico española ou unión temporal de empresas

Marcarán esta clave as agrupacións de interese económico que se rexan polo que se dispón na Lei 12/1991, do 29 de abril, de Agrupacións de Interese Económico, ás que lles sexa de aplicación o réxime tributario especial das agrupacións de interese económico establecido na Lei do Imposto sobre Sociedades, por non concorrer no período impositivo obxecto de declaración as circunstancias previstas no artigo 43.5 da devandita Lei.

Este réxime fiscal non será aplicable ás agrupacións de interese económico naqueles períodos impositivos en que se realicen actividades distintas das axeitadas ao seu obxecto ou posúanse, directa ou indirectamente, participacións en sociedades que sexan socios seus, ou dirixan ou controlen, directa ou indirectamente, as actividades dos seus socios ou de terceiros.

Tamén deberán marcar esta clave as unións temporais de empresas inscritas no Minis­terio de Facenda e Función Pública, ás que lles sexa de aplicación o réxime tributario espe­cial das unións temporais de empresas reguladas na Lei do Imposto sobre Sociedades, por non concorrer no período impositivo obxecto de declaración as circunstancias previstas no artigo 45.3 da devandita Lei, agás en relación coa regra de valoración establecida no segundo parágrafo do apartado 4 do citado artigo.

Este réxime fiscal non se aplicará ás unións temporais de empresas naqueles períodos impositivos en que o contribuínte realice actividades distintas a aquelas en que debe consistir o seu obxecto social.

Pode consultar no apartado 11 desta Axuda as especialidades de formalización do modelo 200 para estas entidades.