4.2.7 Claves 00303 e 00304 diferenzas entre amortización contable e fiscal (Artigo 12.1 LIS).

Cando a amortización contable practicada no exercicio polo contribuínte por calquera dos conceptos a que se refire o artigo 12.1 da LIS sexa superior á amortización ad­misible fiscalmente segundo o que se establece nos devanditos apartados, deberá consignarse o importe desa diferenza por exceso na clave [00303] de aumentos e, se é o caso,  nos seus correspondentes recadros de desagregación. Así mesmo, cando o elemen­to en períodos impositivos posteriores estea amortizado contablemente, deberá consignarse o importe da devandita diferenza na clave [00304] de diminucións e, se é o caso,  nos seus correspondentes recadros de desagregación, como consecuencia da reversión do axuste positivo, en función da amortización fiscal.

E no suposto de que a amortización fiscal admisible sexa superior á amortización con­table practicada polo contribuínte polos referidos conceptos (e non sexa o caso de erro contable), deberá consignarse o importe da diferenza correspondente na clave [00304] de diminucións. Así mesmo, cando o elemento en períodos impositivos posteriores estea amortizado fiscalmente, deberá consignarse o importe da devandita diferenza na clave [00303] de aumentos, como consecuencia da reversión do axuste negativo, en función da amorti­zación contable.

O artigo 12.1 da LIS establece que son deducibles as cantidades que, en concepto de amortización do inmobilizado material, intanxible e dos investimentos inmobiliarias, corres­pondan á depreciación efectiva que sufran os distintos elementos por funcionamento, uso, gozo ou obsolescencia.

E considerarase que a depreciación é efectiva cando:

1. Sexa o resultado de aplicar os coeficientes de amortización lineal establecidos nas táboas de amortización oficialmente aprobadas.

2. Sexa o resultado de aplicar unha determinada porcentaxe constante sobre o valor pendente de amortización. A porcentaxe constante non poderá ser inferior ao 11 por cento.

   Os edificios, mobiliario e efectos non poderán acollerse á amortización mediante porcentaxe constante.

3. Sexa o resultado de aplicar o método dos números díxitos. Este método non é admisible para os edificios, mobiliario e efectos.

4. Axústese a un plan formulado polo contribuínte e aceptado pola Administración tributaria.

5. O contribuínte xustifique o seu importe.