8.4.1.1 Consideracións xerais

Estes campos, que serán reenchidos automaticamente polo  formulario de formalización  previa formalización polo declarante das pantallas de desagregación correspondente, están destinados a reflectir as seguintes deducións:

• Dedución por reinvestimento de beneficios extraordinarios á que se refiren a disposición transitoria 24ª.7 da LIS e os artigos 42 do RDLeg. 4/2004 e 36 ter da Lei 43/95 (pá­gina 16 do modelo).

• Deducións a que se refiren a disposición transitoria 24ª.1 da LIS (páxina 16 bis do mo­delo 200).

• Deducións por investimentos nas Canarias realizadas nos termos da Lei 20/1991 e do artigo 27 bis da Lei 19/1994 (páxina 16 bis do modelo 200).

• Deducións para incentivar determinadas actividades reguladas no Capítulo IV do Tí­tulo VI da LIS , e no DT 24ª.3ª da devandita norma (páxina 17 e 18 do modelo 200).

• Dedución por donativos, doazóns e outras achegas deducibles a entidades sen fins lucrativos prevista no artigo 20 da Lei 49/2002, do 23 de decembro, de réxime fiscal das entidades sen fins lucrativos e dos incentivos fiscais ao mecenado (páxina 18 bis do modelo 200). Non obstante, debe terse en conta que a dedución por donativos a entidades sen fins lucrativos non está limitada polo importe da cota íntegra (si esta afectada a base da dedución por un límite do 10 por cento da base impoñible do período).

Requisitos para o gozo das deducións para incentivar a realización de determinadas actividades

Para poder practicar as distintas deducións para incentivar a realización de determinadas actividades reguladas no capítulo IV do título VI da Lei do Imposto sobre Sociedades, é preciso que os elementos patrimoniais afectos ás deducións permanezan en funcionamento durante cinco anos, ou tres anos, se se trata de bens mobles, ou durante a súa vida útil se for inferior.

Un mesmo investimento non poderá dar lugar á aplicación de máis dunha dedución na mesma entidade, agás disposición expresa, nin poderá dar lugar á aplicación dunha dedución en máis dunha entidade.