4.2.7.2. Apartado G2

G2) ACCIÓNS E PARTICIPACIÓNS NO CAPITAL SOCIAL Ou FONDOS PROPIOS DE CALQUERA OUTRAS ENTIDADES XURÍDICAS, NEGOCIADAS EN MERCADOS ORGANIZADOS (art. 15 Lei 19/91)

Incluiranse neste epígrafe as accións e participacións no capital social ou fondos propios de calquera entidades xurídicas negociadas en mercados organizados, agás as correspondentes a Institucións de Investimento Colectivo.

REGRAS DE VALORACIÓN

Estas accións e participacións computaranse polo valor de cotización media do cuarto trimestre de cada ano.

Con esta finalidade, o Ministerio de Economía e Facenda publica anualmente a relación de valores negociados en Bolsa, cos seus valores de negociación ou liquidación media correspondentes ao cuarto trimestre.

Subscrición de novas accións non admitidas aínda a negociación

Cando se trate de subscrición de novas accións, non admitidas aínda a cotización oficial, emitidas por entidades xurídicas que coticen en mercados organizados, tomarase como valor destas accións o da última negociación dos títulos antigos dentro do período de subscrición.

Ampliacións de capital pendente de desembolso

Nos supostos de ampliacións de capital pendente de desembolso, a valoración das accións farase de acordo coas normas anteriores, coma se estivesen totalmente desembolsadas, incluíndo a parte pendente de desembolso como débeda do suxeito pasivo.