4.3.3. Cota íntegra

Bens e dereitos exentos, agás para determinar o tipo de gravame

Unicamente cubrirán o recadro 28 os suxeitos pasivos en que concorran as seguintes circunstancias:

Que estean sometidos ao imposto por obriga persoal de contribuír.
Que sexan titulares de bens ou dereitos situados ou que poidan exercitarse ou deban cumprirse nun Estado co que España teña subscrito un Convenio bilateral para evitar a dobre imposición en materia de impostos sobre o patrimonio.
Que das disposicións do citado Convenio resulte que os devanditos elementos están exentos do Imposto sobre o Patrimonio español, pero poden ser tidos en conta para calcular o imposto correspondente a losrestantes elementos do patrimonio do suxeito pasivo
Concorrendo estas circunstancias, consignarase o valor dos mencionados bens e dereitos exentos, determinado conforme ás regras de valoración propias do imposto, minorado, se é o caso, no valor das cargas, gravames e débedas correspondentes aos mesmos que, de non mediar a exención, terían a consideración de fiscalmente deducibles.

A base liquidable do imposto será gravada aos tipos da escala que fose aprobada pola Comunidade Autónoma.

Se a Comunidade Autónoma non aprobase a escala a que se refire o apartado anterior, a base liquidable do Imposto será gravada aos tipos da escala prevista no artigo 30.2 da Lei 19/1991, do Imposto sobre o Patrimonio:

Base liquidable Ata euros	Cota Euros	Resto base liquidable Ata euros	Tipo aplicable Porcentaxe
0,00	0,00	167.129,45	0,20
167.129,45	334,26	167.123,43	0,30
334.252,88	835,63	334.246,87	0,50
668.499,75	2.506,86	668.499,76	0,90
1.336.999,51	8.523,36	1.336.999,50	1,30
2.673.999,01	25.904,35	2.673.999,02	1,70
5.347.998,03	71.362,33	5.347.998,03	2,10
10.695.996,06	183.670,29	En diante	2,50