4.1.5. Comunidade ou cidade autónoma de residencia

Consignarase a Comunidade Autónoma ou Cidade con Estatuto de Autonomía en que o contribuínte tivese a súa residencia habitual durante o ano  2018.

Indicarase a clave “20. Contribuíntes non residentes” nos seguintes casos:

• Os españois suxeitos ao Imposto sobre o Patrimonio por obriga persoal, pero que teñan a súa residencia habitual no estranxeiro pola súa condición de membros de Misións diplomáticas ou Oficinas consulares españolas, funcionarios públicos ou de titulares de cargo ou emprego oficial, a que se refire o artigo 10 da Lei do IRPF.
• Os españois que non perdesen a súa condición de contribuíntes por establecer a súa residencia nun país ou territorio cualificado regulamentariamente como paraíso fiscal.
• Os contribuíntes que, sendo residentes en territorio español, pasen a ter a súa residencia noutro país e optasen por seguir tributando por obriga persoal en España.