4.2.2. B) Bens inmobles de natureza rústica

Neste apartado deben declararse os bens de natureza rústica cuxa titularidade corresponda ao declarante.

REGRAS DE VALORACIÓN

Os bens inmobles de natureza rústica computaranse tomando como referencia o maior valor dos tres seguintes:

• Valor catastral consignado no recibo correspondente ao ano 2018 do Imposto sobre Bens Inmobles.
• Valor comprobado pola Administración para os efectos doutros tributos.
• Prezo, contraprestación ou valor de adquisición que será  o resultado de engadir ao importe real de adquisición o custo de investimentos e melloras así como gastos e tributos inherentes á adquisición, excluídos os intereses, que foren satisfeitos polo adquirente.

Dereito de núa propiedade 

O valor do dereito de núa propiedade, computarase pola diferenza entre o valor total do ben, e o valor do usufruto que sobre o mesmo constituísese.

No caso de que o dereito real que recaia sobre o ben sexa un usufruto vitalicio, que pola súa parte sexa temporal, a núa propiedade valorarase, aplicando das regras de valoración do usufruto, aquela que atribúa menor valor á núa propiedade.

Para determinar o valor do usufruto constituído sobre o ben, poden verse as normas de valoración contidas no apartado "M. Dereitos reais de uso e goce ".

FORMALIZACIÓN

Na columna "Clave" indicarase a titularidade do ben de acordo co seguinte detalle:

• P: se a titularidade do inmoble é en pleno dominio, aínda que a devandita titularidade sexa compartida.
• N: se a titularidade do inmoble está constituída polo dereito de núa propiedade sobre o mesmo.
• M : se a titularidade do inmoble está constituída por un dereito sobre o mesmo adquirido en virtude de contratos de multipropiedade, propiedade a tempo parcial ou fórmulas similares, sempre que comporten a titularidade parcial do ben.

Se o dereito que se posúa non comporta a titularidade parcial do ben, deberá declararse no apartado "M. Dereitos reais de uso e goce ".

Na columna   "Situación " deberá seleccionar de entre as seguintes claves a que corresponda á situación do inmoble:

• Clave 1. Inmoble con referencia catastral situado en calquera punto do territorio español, agás País Vasco e Navarra.
• Clave 2. Inmoble situado na Comunidade Autónoma do País Vasco ou na Comunidade Foral de Navarra.
• Clave 3. Inmoble en calquera das situacións anteriores pero sen referencia catastral. 
• Clave 4. Inmoble situado no estranxeiro.

Na columna “Referencia catastral” farase constar a que figura no recibo do Imposto sobre Bens Inmobles.

Así mesmo deberá consignarse para cada inmoble os datos referentes á súa situación: municipio e provincia.

Na columna “Valor” sinalarase o valor do inmoble que resulte de aplicar as regras de valoración expostas anteriormente.