4.2.6. F) Valores representativos da cesión a terceiros de capitais propias

F1) Débeda pública, obrigas,  bonos e demais valores equivalentes negociados en mercados organizados  (art. 13 Lei 19/91)

Deben incluírse neste epígrafe todos os valores representativos da cesión a terceiros de capitais propias, negociados en mercados organizados, de que sexa titular o contribuínte.

Valoración

Deberá consignarse o valor de negociación media do cuarto trimestre de cada ano, calquera que sexa a súa denominación, representación e a natureza dos rendementos obtidos.

Con esta finalidade, a relación dos valores negociados en mercados organizados, co seu valor de negociación media correspondente ao cuarto trimestre de 2019, para os efectos da declaración do Imposto sobre o Patrimonio do ano 2019 e da declaración informativa anual acerca de valores, seguros e rendas recóllese na Orde HAC/176/2020, do 20 de febreiro (BOE do 29).

F2) Obrigas, bonos, certificados de depósitos, obrigas de pagamento, e demais valores equivalentes non  negociados en mercados organizados  (art. 14 Lei 19/91)

Deberá incluírse neste epígrafe os Certificados de Depósito, Obrigas de pagamento, Obrigas, Bonos e demais valores representativos da cesión a terceiros de capitais propias de que sexa titular o contribuínte, que non se negocien en mercados organizados.

Valoración

A valoración de cada un destes títulos realizarase polo seu nominal, incluídas, se é o caso, as primas de amortización ou reembolso, calquera que sexa a súa denominación, representación e a natureza dos rendementos obtidos.

Formalización

Respecto de cada un dos valores representativos da cesión a terceiros de capitais propias  deberá consignar: a clave correspondente ao pleno dominio ou núa propiedade segundo cal sexa o seu caso, a porcentaxe de titularidade,  o número de valores (o programa  permite decimais), o ISIN asignado pola CNMV ou no seu defecto o NIF do emisor e  a descrición dos valores.