4.3.12. Comunidade Autónoma de Galicia.Deducións
Para o exercicio 2020 os contribuíntes residentes na Comunidade Autónoma de Galicia poderán aplicar as seguintes deducións:
Por creación de novas empresas ou ampliación da actividadd de empresas de recente creación
Se entre os bens e dereitos computados para a determinación da base impoñible figure algún ao que se lle aplicaron as deducións na cota íntegra autonómica do IRPF relativo á creación de novas empresas ou ampliación da actividade de empresas de recente creación, ou investimento de accións ou participacións sociais en entidades novas ou de recente creación.
Poderase deducir o 75 por cento da parte da cota que proporcionalmente corresponda aos mencionados bens ou dereitos.
O límite máximo de dedución será de 4.000 euros por suxeito pasivo.
O incumprimento dos requisitos previstos na normativa das mencionadas deducións do IRPF, determinará a perda desta dedución na declaración de Patrimonio.
Incompatibilidade
Esta dedución é incompatible cos restantes deducións agás, "Pola afectación de terreos rústicos a unha explotación agraria" e "Pola afectación a actividades económicas de inmobles en centros históricos"
Por investimento en sociedades de fomento forestal
Se entre os bens ou dereitos de contido económico computados para a determinación da base impoñible inclúanse participacións nas sociedades de Fomento Forestal. Para aplicar esta dedución débense manter no patrimonio do contribuínte durante un período mínimo de 5 anos desde a súa adquisición.
Poderase deducir o 100 por 100 da parte da cota que proprcionalmente corresponda aos mencionados bens ou dereitos.
Esta dedución será incompatible coa aplicación para os mesmos bens ou dereitos das exencións do artigo 4 da Lei do Imposto sobre o Patrimonio, aínda que a devandita exención sexa parcial.
Pola participación no capital social de cooperativas agrarias ou de explotación comunitaria da terra
Para poder aplicarse esta dedución deberán cumprir os seguintes requisitos:
- Que entre os bens ou dereitos de contido económico computados para a determinación da base impoñible inclúense participacións no capital social de cooperativas agrarias ou de explotación comunitaria da terra ás que se refire a Lei 5/1998, do 18 de decembro, de cooperativas de Galicia.
- As participacións deben manterse no patrimonio do contribuínte durante un período mínimo de cinco anos seguintes á súa adquisición.
Poderanse aplicar o 100 por 100 da parte da cota que proporcionalmente corresponda aos mencionados bens ou dereitos.
Incompatibilidade
Esta dedución será incompatible coa aplicación para os mesmos bens ou dereitos das exencións do artigo 4 da Lei do Imposto sobre o Patrimonio, aínda que a devandita exención sexa parcial.
Pola afectación de terreos rústicos a unha explotación agraria e arrendamento rústico
Requisitos para a aplicación dedución:
1. Explotación agraria
- Que entre os bens ou dereitos de contido económico computados para a determinación da base impoñible inclúense terreos rústicos afectos a unha explotación agraria.
- A explotación agraria deberá estar inscrita no Rexistro de Explotacións Agrarias de Galicia.
2. Arrendamento rústico
Tamén terán dereito a esta dedución aqueles contribuíntes que cedan en arrendamento os terreos rústicos por igual período temporal, de acordo coas condicións establecidas na Lei 49/2003, do 26 de novembro, de arrendamentos rústicos.
os contribuíntes poderán deducir o 100 por 100 da parte da cota que proporcionalmente corresponda aos mencionados bens ou dereitos sempre que estean afectos á explotación agraria polo menos durante a metade do ano natural correspondente á devindicación.
Incompatibilidade
Esta dedución será incompatible coa aplicación para os mesmos bens ou dereitos das exencións do artigo 4 da Lei do Imposto sobre o Patrimonio, aínda que a devandita exención sexa parcial.
Pola participación nos fondos propios de entidades agrarias
Requisitos
- Que entre os bens ou dereitos de contido económico computados para a determinación da base impoñible inclúense participacións nos fondos propios de entidades cuxo obxecto social sexan actividades agrarias.
- As participacións adquiridas deben manterse no patrimonio do contribuínte durante un período mínimo de cinco anos seguintes a seu dquisición.
- A explotación agraria deberá estar inscrita no Rexistro de Explotacións Agrarias de Galicia.
- Da mesma dedución gozarán os créditos concedidos ás mesmas entidades na parte do importe que financie as devanditas actividades agrarias. No caso de créditos, estes deben referirse ás operacións de financiamento cun prazo superior a cinco anos, sen que se poida amortizar unha antidade superior ao 20 por 100 anual do importe do principal prestado.
Contía da dedución
- Os contribuíntes poderán deducirse o 100 por 100 da parte da cota que proporcionalmente corresponda ao valor das participacións. O valor das participacións virá determinado, segundo as regras do Imposto sobre o Patrimonio, na parte que corresponda á proporción existente entre os activos necesarios para o exercicio da actividade agraria, rebaixados no importe das débedas derivadas desta , e o valor do patrimonio neto da entidade.
Para determinar a devandita proporción tomarase o valor que se deduza da contabilidade, sempre que esta reflicta fielmente a verdadeira situación patrimonial da sociedade.
Incompatibilidade
Esta dedución será incompatible coa aplicación para os mesmos bens ou dereitos das exencións do artigo 4 da Lei do Imposto sobre o Patrimonio, aínda que a devandita exención sexa parcial.
Pola afectación a actividades económicas de inmobles en centros históricos
Requisitos
- Que entre os bens ou dereitos de contido económico computados para a determinación da base impoñible inclúanse bens inmobles situados nalgún dos centros históricos determinados no anexo da Orde do 1 de marzo de 2018 (DOG do 13)
- Que os devanditos bens inmobles estean afectos a unha actividade económica polo menos durante a metade do ano natural correspondente á devindicación.
Contía
Os contribuíntes poderán deducir o 100 por 100 da parte da cota que proporcionalmente corresponda aos devanditos bens.
Incompatibilidade
Esta dedución será incompatible coa aplicación para os mesmos bens ou dereitos das exencións do artigo 4 da Lei do Imposto sobre o Patrimonio, aínda que a devandita exención sexa parcial.
Pola participación nos fondos propios de entidades que explotenbienes inmobles en centros históricos
Requisitos
- Que entre os bens ou dereitos de contido económico computados para a determinación da base impoñible inclúanse participacións nos fondos propios de entidades en cuxo activo se encontren bens inmobles situados nalgún dos centros históricos determinados no anexo da Orde do 1 de marzo de 2018.
- Que os devanditos bens inmobles estean afectos a unha actividade económica polo menos durante a metade do ano natural correspondente ao exercicio.
Contía da dedución
- Os contribuíntes poderán deducir o 100 por 100 da parte da cota que proporcionalmente corresponda ás devanditas participacións.
- A dedución soa acadará ao valor das participacións, determinado segundo as regras deste imposto, na parte que corresponda á proporción existente entre os devanditos bens inmobles, rebaixados no importe das débedas destinadas a financiaros, e o valor do patrimonio neto da entidade.
Para determinar a devandita proporción tomarase o valor que se deduza da contabilidade, sempre que esta reflicta fielmente a verdadeira situación patrimonial da sociedade.
Incompatibilidade
Esta dedución é incompatible coa aplicación para os mesmos bens ou dereitos das exencións do artigo 4 da Lei do Imposto sobre o Patrimonio, aínda que a devandita exención sexa parcial.