4.3.8.1. Comunidade Autónoma de Galicia.
Para este exercicio os contribuíntes residentes na Comunidade Autónoma de Galicia poderán aplicar as seguintes deducións:
-
Por creación de novas empresas ou ampliación da actividadd de empresas de recente creación
Se entre os bens ou dereitos de contido económico computados para a determinación da base impoñible figura algún ao que se lle aplicaron as deducións na cota íntegra autonómica do imposto sobre a renda das persoas físicas relativas á creación de novas empresas ou ampliación da actividade de empresas de recente creación, ou investimento na adquisición de accións ou participacións sociais en entidades novas ou de recente creación, o contribuínte poderá aplicar unha dedución do 75 %, cun límite de 4.000 euros por suxeito pasivo, na parte da cota que proporcionalmente corresponda aos mencionados bens ou dereitos. O incumprimento dos requisitos previstos nas deducións do imposto sobre a renda das persoas físicas determinará a perda desta dedución.
O incumprimento dos requisitos previstos na normativa das mencionadas deducións do IRPF, determinará a perda desta dedución na declaración de Patrimonio.
Esta dedución é incompatible coas deducións recollidas nos puntos 2 e 5.
-
Por investimentos en empresas agrarias
Os contribuíntes poden aplicar unha dedución do 100 %da parte da cota do imposto que proporcionalmente corresponda ao valor dos seguintes bens ou dereitos:
-
Participacións no capital social de:
-
Sociedades de fomento forestal reguladas na Lei 7/2012, do 28 de xuño, de montes de Galicia.
-
Entidades agrarias, cooperativas agrarias ou de explotación comunitaria da terra que teñan por obxecto exclusivo actividades agrarias.
-
Entidades que teñan por obxecto a mobilización ou recuperación das terras agrarias de Galicia, ao abeiro dos instrumentos previstos na Lei 11/2021, de 14, de maio, de recuperación da terra agraria de Galicia.
A dedución soa aplícase ao valor destas participacións na parte que corresponda á proporción existente entre os activos necesarios para o exercicio da actividade agraria, rebaixados no importe das débedas derivadas da mesma, e o valor do patrimonio neto da entidade.
Para determinar esta proporción, débese tomar o valor que se deduza da contabilidade, sempre que esta reflicta fielmente a verdadeira situación patrimonial da entidade.
-
-
Préstamos realizados a favor das entidades citadas na letra a anterior, así como garantías que o contribuínte constitúa persoalmente a favor das devanditas entidades.
Neste caso a dedución só se aplica ao importe que financie a actividade agraria da entidade. Enténdese que financian esta actividade na parte que resulte de aplicar á súa contía total a proporción determinada conforme ao previsto na letra a anterior.
-
Participacións dos socios capitalistas en contas en participación constituída para o desenvolvemento de actividades agrarias e en que o partícipe xestor sexa algunha das entidades citadas na letra a anterior.
A dedución soa aplícase ao importe que financie a actividade agraria da entidade. Enténdese que financian esta actividade na parte que resulte de aplicar á súa contía total a proporción determinada conforme ao previsto na letra a anterior.
Requisitos
-
Os investimentos ás que sexa aplicable a dedución deberán formalizarse en escritura pública, especificando a identidade dos contribuíntes que pretendan aplicara e o importe da operación.
-
Os investimentos realizados deberán manterse no patrimonio do contribuínte dedurante un período mínimo de cinco anos a partir do día seguinte á data en que se formalice a operación en escritura pública. No caso de operacións de financiamento, esíxese que o prazo de vencemento sexa ser superior ou igual a cinco anos, sen que se poida amortizar unha cantidade superior ao 20 %anual do importe do principal. Durante ese mesmo prazo de cinco anos deben manterse as garantías constituídas
Esta dedución será incompatible coa aplicación para os mesmos bens ou dereitos das exencións do artigo 4 da Lei do Imposto sobre o Patrimonio, aínda que a devandita exención sexa parcial e coa dedución recollida no punto 1.
-
-
Pola afectación de terreos rústicos a unha explotación agraria e arrendamento rústico
Explotación agraria: Que entre os bens ou dereitos de contido económico computados para a determinación da base impoñible inclúanse terreos rústicos afectos a unha explotación agraria e que a mesma estea inscrita no Rexistro de Explotacións Agrarias de Galicia.
Arrendamento rústico: Tamén terán dereito a esta dedución aqueles contribuíntes que cedan en arrendamento os terreos rústicos por igual período temporal, de acordo coas condicións establecidas na Lei 49/2003, do 26 de novembro, de arrendamentos rústicos.
Os contribuíntes poderán deducir o 100% da parte da cota que proporcionalmente corresponda aos mencionados bens ou dereitos sempre que estean afectos á explotación agraria polo menos durante a metade do ano natural correspondente á devindicación.
Esta dedución será incompatible coa aplicación para os mesmos bens ou dereitos das exencións do artigo 4 da Lei do Imposto sobre o Patrimonio, aínda que a devandita exención sexa parcial.
-
Pola afectación a actividades económicas de inmobles en centros históricos
Requisitos
-
Que entre os bens ou dereitos de contido económico computados para a determinación da base impoñible inclúanse bens inmobles situados nalgún dos centros históricos determinados no anexo da Orde do 1 de marzo de 2018 (DOG do 13)
-
Que os devanditos bens inmobles estean afectos a unha actividade económica polo menos durante a metade do ano natural correspondente á devindicación.
Os contribuíntes poderán deducir o 100% da parte da cota que proporcionalmente corresponda aos devanditos bens.
Esta dedución será incompatible coa aplicación para os mesmos bens ou dereitos das exencións do artigo 4 da Lei do Imposto sobre o Patrimonio, aínda que a devandita exención sexa parcial.
-
-
Pola participación nos fondos propios de entidades que exploten bens inmobles en centros históricos
Requisitos
-
Que entre os bens ou dereitos de contido económico computados para a determinación da base impoñible inclúanse participacións nos fondos propios de entidades en cuxo activo se encontren bens inmobles situados nalgún dos centros históricos determinados no anexo da Orde do 1 de marzo de 2018.
-
Que os devanditos bens inmobles estean afectos a unha actividade económica polo menos durante a metade do ano natural correspondente ao exercicio.
Os contribuíntes poderán deducir o 100% da parte da cota que proporcionalmente corresponda ás devanditas participacións.
A dedución soa acadará ao valor das participacións, determinado segundo as regras deste imposto, na parte que corresponda á proporción existente entre os devanditos bens inmobles, rebaixados no importe das débedas destinadas a financiaros, e o valor do patrimonio neto da entidade.
Para determinar a devandita proporción tomarase o valor que se deduza da contabilidade, sempre que esta reflicta fielmente a verdadeira situación patrimonial da sociedade.
Esta dedución é incompatible coa aplicación para os mesmos bens ou dereitos das exencións do artigo 4 da Lei do Imposto sobre o Patrimonio, aínda que a devandita exención sexa parcial e coa dedución recollida no punto 1.
-
-
Por incorporación de bens e dereitos aos instrumentos de mobilización ou recuperación das terras agrarias de Galicia
O contribuínte pode aplicar unha dedución do 100 %na parte da cota que proporcionalmente corresponda a bens incorporados a polígonos agroforestais, proxectos de aldeas modelo ou agrupacións de xestión conxunta previstos na Lei 11/2021, do 14 de maio, de recuperación da terra agraria de Galicia.
A adscrición deberá manterse durante un prazo de, polo menos, cinco anos, e os citados bens e dereitos terán que estar inscritos nos rexistros que resulten de aplicación, conforme ao previsto na citada Lei.
Esta dedución será incompatible coa aplicación para os mesmos bens ou dereitos das exencións do artigo 4 da Lei do Imposto sobre o Patrimonio, aínda que a devandita exención sexa parcial.