4.3.9.1. Comunidade Autónoma de Andalucía

Na cota resultante do imposto sobre o patrimonio o contribuínte poderá aplicar unha das dúas seguintes bonificacións:

1. Unha bonificación determinada pola diferenza, se a houber, entre a total cota  íntegra do propio imposto, unha vez aplicado o límite conxunto establecido no artigo  31 da Lei 19/1991, do 6 de xuño, do Imposto sobre o Patrimonio, e, se é o caso, a  total cota íntegra que correspondería ao imposto temporal de solidariedade das grandes  fortunas, unha vez aplicado o límite conxunto establecido no artigo 3.Doce da Lei  38/2022, do 27 de decembro.

2. A bonificación xeral do imposto sobre o patrimonio establecida no artigo 25 bis da Lei 5/2021, do 20 de outubro, de Tributos Cedidos da Comunidade Autónoma de Andalucía en que se establece que con posterioridade ás deducións e bonificacións reguladas pola normativa do Estado aplicarase, sobre a cota resultante, unha bonificación autonómica do 100 %da devandita cota se esta é positiva.

Formalización

Importe da bonificación autonómica (recadro 50)

• Se opta pola bonificación xeral do 100 %da cota do Imposto sobre o Patrimonio (IP) marcará o recadro habilitado con este fin.

• Se opta pola bonificación por diferenza entre a total cota íntegra deste imposto e do Imposto Temporal de Solidariedade das Grandes Fortunas (ITSGF) deberá introducir o importe do recadro 200 do ITSGF na xanela de captura de datos que se abre desde o recadro 50. Con este dato o programa calculará a bonificación autonómica que corresponda.

  Para facilitar ao contribuínte o cálculo do importe do recadro 200 estará habilitado proximamente o programa de axuda á presentación do ITSGF . Non obstante, non estará dispoñible para a súa presentación ata o 1 de xullo do 2024.

  Lembre que á hora de presentar o ITSGF deberá consignar no recadro 205 a cota xa ingresada polo IP (recadro 55).