4.3.9.8.Comunidade Autónoma de Madrid

O contribuínte poderá aplicar unha bonificación autonómica determinada pola diferenza, se a houber, entre a total cota íntegra do propio imposto, unha vez aplicado o límite conxunto establecido no artigo 31 da Lei 19/1991, do 6 de xuño, e a total cota íntegra correspondente ao Imposto Temporal de Solidariedade das Grandes Fortunas, unha vez aplicado o límite conxunto establecido no artigo 3. Doce da Lei 38/2022, do 27 de decembro.

Formalización

Importe da bonificación autonómica (recadro 50)

• Se non ten que presentar o Imposto Temporal de Solidariedade das Grandes Fortunas (ITSGF) o programa calculará automaticamente o importe da bonificación.

• Se ten que presentar o ITSGF:

  Deberá introducir o importe do recadro 200 do ITSGF na xanela de captura de datos que se abre desde o recadro 50. Con este dato o programa calculará a bonificación autonómica que corresponda.

  Para facilitar ao contribuínte o cálculo do importe do recadro 200 estará habilitado proximamente o programa de axuda á presentación do ITSGF . Non obstante, non estará dispoñible para a súa presentación ata o 1 de xullo do 2024.

  Lembre que á hora de presentar o ITSGF deberá consignar no recadro 205 a cota xa ingresada polo IP (recadro 55).