Xestión do Imposto

Obriga de declarar

Modifícase a obriga de declarar polo IRPF, elevando o limiar inferior da obriga de declarar establecido para os perceptores de rendementos do traballo no artigo 96 da Lei do IRPF

Para iso no exercicio 2019, o límite excluínte da obriga de declarar previsto no artigo 96.3 da Lei do IRPF para os contribuíntes que perciban rendementos íntegros do traballo se fixa en 14.000 euros nos seguintes supostos:

Cando procedan de máis dun pagador agás as excepcións sinaladas no citado artigo 96.3 da lei do IRPF.
Cando perciban pensións compensatorias do cónxuxe ou anualidades por alimentos non exentas.
Cando o pagador dos rendementos do traballo non estea obrigado a reter.
Cando se perciban rendementos íntegros do traballo suxeitos a tipo fixo de retención.

Para os restantes contribuíntes que obteñan rendementos de traballo o límite para declarar pola percepción destes rendementos mánténse en 22.000 euros anuais.

Campaña Renda 2019: Prazos, borrador e autoliquidación

Prazos

Desde o 1 de abril ata o día 30 de xuño de 2020

Se se efectúa domiciliación bancaria do pagamento, o prazo de confirmación finaliza o 25 de xuño de 2020.

Borrador de declaración

Como na campaña anterior todos os contribuíntes, calquera que sexa a natureza das rendas que obtivesen durante o exercicio (de traballo, de capital mobiliaria ou inmobiliario, de actividades económicas, ganancias e perdas patrimoniais, así como as imputacións de renda), poderán obter o borrador da declaración a través do Servizo de tramitación do borrador/declaración (RentaWEB), tras achegar, se é o caso, determinada información que lles será solicitada para ese fin, ou outra información que o contribuínte puidese incorporar.
Mánténse o mecanismo de obtención do número de referencia para acceder ao borrador e / ou aos datos fiscais, a través da Sede electrónica da Axencia Tributaria, mediante o Servizo de tramitación do borrador/declaración, debendo consignar para iso o Número de Identificación Fiscal (NIF) do obrigado tributario ou obrigados tributarios, a data de expedición ou de caducidade do seu Documento Nacional de Identidade (DNI) e o importe do recadro 505 da declaración do IRPF correspondente ao exercicio 2018, “Base liquidable xeral sometida a gravame”.
Tamén como nas pasadas campañas poderase acceder ao borrador ou aos datos fiscais, a través do Servizo de tramitación do borrador/declaración do portal da Axencia Tributaria en Internet en https://sede.agenciatributaria.gob.es, utilizando certificados electrónicos recoñecidos e o sistema Cl@ve PIN e mediante a aplicación para dispositivos móbiles que se puxo en marcha na campaña anterior.

Presentación das declaracións do IRPF 2019

A través de Servizo de tramitación do borrador/declaración o contribuínte pode confeccionar a súa declaración do IRPF co produto Renda Web e proceder á súa presentación por medios electrónicos a través de Internet, na Sede electrónica da Axencia Tributaria, a través do teléfono, nas oficinas da Axencia Tributaria previa solicitude de cita, así como nas oficinas habilitadas polas Comunidades Autónomas, cidades con Estatuto de Autonomía e Entidades Locais para a confirmación do borrador de declaración; se a declaración fóra a ingresar o contribuínte poderá domiciliar o ingreso ou, no seu defecto, obter unha carta de pagamento no momento da súa presentación que lle permitirá ingresar o importe resultante.
Como na campaña anterior xa non é posible obter a declaración e os seus correspondentes documentos de ingreso ou devolución en papel impreso xerado a través do Servizo de tramitación do borrador/declaración da Axencia Estatal de Administración Tributaria.

Pagamento

Nas declaracións con resultado a ingresar en que non se opte pola domiciliación bancaria como medio de pagamento o contribuínte pode obter o Número de Referencia Completo (NRC) da entidade colaboradora nas súas oficinas ou ben a través dos servizos de banca electrónica ou poderá realizar o ingreso a través da Sede electrónica da Axencia Estatal de Administración Tributaria utilizando un certificado electrónico recoñecido ou o sistema Cl@ve PIN. Neste caso, o contribuínte tamén poderá efectuar o pagamento a través dun documento para o ingreso en entidade colaboradora, que deberá imprimir e que lle permitirá acudir de forma presencial á entidade financeira para realizar o ingreso da mesma.
No caso dos contribuíntes que confirmen e presenten o borrador de declaración a través da aplicación para dispositivos móbiles, o pagamento do importe da débeda tributaria resultante deberá realizarse necesariamente en dous prazos, mediante domiciliación bancaria de ambos os dous.
Fraccionamento do pagamento: Os contribuíntes que domiciliaran o pagamento do primeiro prazo poderán domiciliar o segundo prazo ata o 22 de setembro de 2020, e se non domicilian o primeiro, poderán domiciliar o segundo ata o 30 de xuño de 2020. No caso dos contribuíntes que, ao fraccionar o pagamento, non desexen domiciliar o segundo prazo en entidade colaboradora, deberán efectuar o ingreso do devandito prazo ata o día 5 de novembro de 2020, inclusive, mediante o modelo 102.