Por gastos en escolas infantís, centros de educación infantil ou persoal contratado para o coidado de fillos de 0 a 3 anos para contribuíntes que fixen a súa residencia habitual en pequenos municipios de La Rioja
Normativa:Art.º 32.3 Lei 10/2017, do 27 de outubro, pola que se consolidan as disposicións legais da Comunidade Autónoma de La Rioja en materia de impostos propios e tributos cedidos.
Contía e límite máximo da dedución
O 30 por 100 dos gastos en escolas infantís, centros infantís ou persoal contratado para o coidado de fillos de 0 a 3 anos.
Para estes efectos entenderanse por gastos as cantidades satisfeitas a escolas ou centros de educación infantil polos seguintes conceptos:
Sempre que non teñan para o contribuínte a consideración de rendementos do traballo en especie exentos por aplicación do disposto no artigo 42.3.b) ou d) da Lei do IRPF, é dicir, por:
- A base desta dedución terá como límite para cada fillo o importe total do gasto efectivo non subvencionado satisfeito no exercicio á escola ou centro de educación infantil.
O límite máximo de dedución aplicable é de 600 euros por menor.
En caso de declaracións individuais, o límite máximo ratearase por partes iguais entre os proxenitores con dereito á súa aplicación.
O rateo das cantidades aboadas e do límite máximo da dedución só poden ter lugar cando ambos os dous proxenitores poidan aplicar o mínimo por descendentes polo fillo que orixina o gasto.
No caso de parellas de feito o rateo das cantidades aboadas e do límite máximo da dedución terá lugar cando un dos seus membros presenta declaración conxunta cos fillos menores de idade e o outro presenta declaración individual, sempre que ambos os dous teñan dereito ao mínimo por descendentes.
Requisitos e outras condicións para a aplicación da dedución
- Que o contribuínte dentro do período impositivo fixe a súa residencia habitual nun dos pequenos municipios de La Rioja que se relacionan ao final das deducións autonómicas desta Comunidade Autónoma, e resida no municipio a data de devindicación do impuesto.
Que o contribuínte á data de devindicación do imposto conviva co menor de tres anos e teña dereito ao mínimo por descendentes.
A aplicación desta dedución vai unida ao mínimo por descendentes.Polo tanto, independentemente de quen satisfaga os gastos e do réxime económico matrimonial, aplicarase a ambos os dous proxenitores, rateándose entre eles os importes totais satisfeitos e o límite máximo da dedución.Pola contra, se só un dos pais tivese dereito ao mínimo por descendentes este aplicará a dedución pola totalidade das cantidades satisfeitas co límite máximo de 600 euros.
En caso de falecemento dun dos proxenitores con dereito ao mínimo por descendentes, aplicarase o 50 por 100 de dedución a cada un dos proxenitores ata a data de falecemento e posteriormente a dedución sobre a totalidade do aboado ao cónxuxe supérstite.A suma do conxunto de todas as deducións non poderá superar 600 euros nin a dedución aplicable polo falecido pode exceder de 300 euros por cada fillo “común”.
Que o ou os proxenitores exerzan unha actividade, por conta propia ou allea, fóra do domicilio familiar, polo menos durante o período en que o menor se encontre escolarizado ou contratado o persoal destinado ao seu coidado.
Se os proxenitores exercen unha actividade fóra do domicilio familiar só durante unha parte do período en que se encontre contratado o persoal destinado ao seu coidado, poderase aplicar a dedución polas cantidades satisfeitas durante a parte deste na que se cumpra o requisito de realización dunha actividade.
Para que se entenda cumprido o requisito de realizar unha actividade por conta allea é necesario que a actividade sexa remunerada.No caso de actividade por conta propia é necesario que-por calquera medio de proba- se demostre o exercicio da devandita actividade.
Enténdese cumprido o requisito de realización dunha actividade por conta propia cando esta se realice a través dunha entidade en réxime de atribución de rendas
- Que o menor estea matriculado nunha escola ou centro infantil de La Rioja, polo menos a metade da xornada establecida, ou ben acredítese a existencia dunha persoa con contrato laboral e alta en Seguridade Social na epígrafe correspondente a Empregados do fogar-Coidador de familias ou similar para o coidado dos menores.
Que a base liquidable xeral sometida a tributación, segundo o artigo 50 da Lei do IRPF, non exceda das seguintes cantidades:
Sempre que, ademais, a base liquidable do aforro sometida a tributación segundo o artigo 50 da Lei do IRPF non supere 1.800 euros.
O importe da base liquidable xeral sometida a tributación segundo o artigo 50 da Lei do IRPF é o reflectido na casa [0500] da declaración.
Pola súa banda, o importe da base liquidable do aforro sometida a tributación segundo o artigo 50 da Lei do IRPF é o que aparece reflectido na casa [0510] da declaración.
Consignación na declaración do código correspondente ao municipio
Os contribuíntes deberán consignar na casa [1071] do anexo B.5 da declaración, o código correspondente ao municipio no que estea situada a vivenda, conforme á relación de municipios de La Rioja con dereito a esta dedución que pode consultar no seu correspondente apartado.
Importante: os contribuíntes con dereito á dedución deberán facer constar o NIF da persoa empregada do fogar, escola, centro ou gardaría infantil na casa [1070] da declaración.