Exemplo: Minoración por incentivos ao emprego

Don A.A.A. desenvolve a actividade de restaurante de dous garfos, epígrafe 671.4 do IAE .

Durante o exercicio 2020, traballaron na actividade 3 empregados con contrato fixo e a xornada completa, cada un dos que como consecuencia do peche de actividade pola declaración do estado de alarma totalizou 1.300 horas/ano. No mes de xuño, contratouse por un período de 6 meses un aprendiz que totalizou  600 horas de traballo.

No exercicio 2021 a situación do cadro de persoal foi a seguinte:

• Permanecen na empresa os 3 empregados con contrato fixo, realizando a mesma xornada laboral anual que no ano anterior. Non obstante, como consecuencia das limitacións horarias decretadas na  Comunidade  Autónoma, as horas de traballo efectivo foron 1.500 horas/ano por cada persoa empregada.
• O 2 de xaneiro, contratouse por tempo indefinido a un traballador que totalizou 1.500 horas/ano.
• O día 1 de agosto, contratáronse temporalmente por un período de 6 meses a 2 novas persoas, cada un dos que totalizou  600 horas/ano de traballo.

Determinar a minoración por incentivos ao emprego correspondente ao exercicio 2021, supondo que o número de horas anuais establecidas no correspondente convenio colectivo é de 1.800.

Solución:

1. Determinación do coeficiente por incremento do número de persoas asalariadas.

1. Incremento do número de persoas asalariadas en 2021 respecto de 2020 en termos absolutos:

   • Persoas asalariadas no ano 2020: 4 persoas
   • Persoas asalariadas no ano 2021: 6 persoas
   • Incremento do número de persoas asalariadas: 2 persoas

2. Incremento do número de unidades do módulo "persoal asalariado" en 2021 respecto de 2020:

   • Número de unidades do módulo "persoal asalariado" en 2020.
     (3 x 1.300/1.800) + (60% s/600/1.800) = 2,17 + 0,2 = 2,37 persoas
   • Número de unidades do módulo "persoal asalariado" en 2021
     (4 x 1.500/1.800) + (2 x 600/1.800) = 3,33 + 0,67 = 4 persoas
   • Incremento do número de unidades: 4 –  2,37 = 1,63 persoas

Ao cumprirse ambos os dous requisitos, a diferenza positiva entre o número de unidades do módulo "persoal asalariado" de 2021 respecto de 2020 multiplicarase por 0,40.

Coeficiente por incremento do número de persoas asalariadas: 0,40 x 1,63= 0,652

2. Determinación do coeficiente por tramos do número de unidades do módulo "persoal asalariado", excluída a diferenza positiva sobre a que se aplicou o coeficiente 0,4 anterior.

4-1,63 = 2,37

Total	2,37		0,3055
Tramo	Persoal asalariado	Coeficiente por tramo	Totais
Ata 1,00	1	0,10	0,10
Entre 1,01 e 3,00	1,37	0,15	0,2055
Entre 3,01 e 5,00

3. Coeficiente de minoración: 0,652 + 0,3055 = 0,9575

4. Importe da minoración por incentivos ao emprego.

É o resultado de multiplicar o rendemento anual por unidade antes de amortización do módulo "persoal asalariado" (3.709,88) polo coeficiente de minoración (suma do coeficiente por incremento do número de asalariados máis o coeficiente por tramos: 0,9575). É dicir, 3.709,88 x  0,9575 = 3.552,21 euros.