Cálculo do imposto: determinación das cotas íntegras

Gravame da base liquidable xeral

• Estatal

  A Lei 11/2020, do 30 de decembro, de Orzamentos Xerais do Estado para o ano 2021 (BOE do 31), modificou a escala xeral de gravame da base liquidable xeral da Lei do IRPF para introducir un novo tramo a partir de 300.000 euros cun tipo de gravame aplicable do 24,50 por 100.

• Autonómico

  Todas as Comunidades Autónomas teñen aprobadas as súas correspondentes escalas aplicables á base liquidable xeral.

Gravame da base liquidable do aforro

A Lei 11/2020, do 30 de decembro, de Orzamentos Xerais do Estado para o ano 2021 (BOE do 31),  modificou a escala de gravame da base liquidable aforro previsto nos artigos 66 e 76 da  Lei do IRPF para introducir, tanto na escala estatal coma autonómica, un novo tramo a partir de 200.000 euros cun tipo de gravame aplicable do 13 por 100.

Gravame aplicable a contribuíntes do IRPF residentes no estranxeiro

A Lei 11/2020, do 30 de decembro, de Orzamentos Xerais do Estado para o ano 2021 (BOE do 31), modificou a escala de gravame da base liquidable aforro previsto no artigo 66.2 da Lei do IRPF para introducir un novo tramo a partir de 200.000 euros cun tipo de gravame aplicable do   26 por 100.

Réxime fiscal especial aplicable aos traballadores desprazados a territorio español

A Lei 11/2020, do 30 de decembro, de Orzamentos Xerais do Estado para o ano 2021 (BOE do 31),  modificou as letras e) e f) do artigo 93.2 da Lei do IRPF elevando  o tipo aplicable do 45 ao 47 por 100 na parte da base liquidable que supere os 600.000 euros e, no caso das rendas a que se refire o artigo 25.1.f) do texto refundido da Lei do Imposto sobre a Renda de non Residentes, introduce un novo tramo a partir de 200.000 euros cun tipo de gravame aplicable do 26 por 100.