Deducións da cota íntegra

Deducións por incentivos e estímulos ao investimento empresarial en actividades económicas en estimación directa

1. Réxime xeral e réximes especiais de deducións por incentivos e estímulos ao investimento empresarial da Lei do Imposto sobre Sociedades

Programas de apoio a acontecementos de excepcional interese público. Inclúense novas deducións no ámbito empresarial vinculado a acontecementos de excepcional interese público aprobado na Lei 11/2020, do 30 de decembro, de Orzamentos Xerais do Estado para o ano 2021 (BOE do 31).
Deducións por incentivos e estímulos ao investimento empresarial da Lei do Imposto sobre Sociedades.

Modifícanse as deducións do artigo 36 da LIS para incluír as seguintes novidades:
1. En xeral:
  
  A disposición final trixésimo primeira.Dous da Lei 11/2020, do 30 de decembro, de Orzamentos Xerais do Estado para o ano 2021 (BOE do 31), modificou o artigo 39 da LIS para permitir, desde o 1 de xaneiro de 2021, que poidan aplicarse as deducións por investimentos en producións cinematográficas e series audiovisuais españolas (art. 36.1 LIS) e por produción de determinados espectáculos en vivo de artes escénicas e musicais (art. 36.3 LIS), ademais dos contribuíntes que realicen as producións (produtores), os contribuíntes, empresarios ou profesionais que participen no financiamento destas (investidores), cando estes últimos acheguen cantidades en concepto de financiamento, para sufragar a totalidade ou parte dos custos da produción sen adquirir dereitos de propiedade intelectual ou doutra índole respecto dos resultados do mesmo, cuxa propiedade deberá ser en todo caso da produtora. As devanditas achegas poderanse realizar en calquera fase da produción ata a obtención do certificado de nacionalidade.
  
  Para que o investidor poida ser beneficiario desta dedución cómpre que subscriba co produtor un contrato de financiamento e que ambos os dous comuniquen á Administración tributaria con anterioridade á finalización do período impositivo en que se xere a dedución esta circunstancia, achegando tanto o contrato de financiamento subscrito como as certificacións do cumprimento dos requisitos esixidos no artigo 36.1 ou 36.3 da LIS para a aplicación da dedución.
2. Límites conxuntos
  
  A disposición final trixésimo primeira. Dous da Lei 11/2020, do 30 de decembro, de Orzamentos Xerais do Estado para o ano 2021 (BOE do 31), modificou o artigo 39.1 da LIS para establecer que o límite incrementado do 50 por 100 aplícase atendendo non só ao importe das deducións previstas no artigo 35 (deducións por actividades de investigación e desenvolvemento e innovación tecnolóxica) senón tamén ao importe das do artigo 36 da LIS (deducións por investimentos en producións cinematográficas, series audiovisuais e espectáculos en vivo de artes escénicas e musicais).
3. Dedución por producións cinematográficas estranxeiras en España (art. 36.2 LIS)
  
  O artigo 1.Tres da Lei 11/2021, do 9 de xullo, de medidas de prevención e loita contra a fraude fiscal (BOE do 10) modificou o artigo 36.2 da LIS para introducir os requisitos que deberán cumprir os produtores e produtoras que se encarguen da execución de producións estranxeiras de longametraxes cinematográficas ou de obras audiovisuais que permitan a confección dun soporte físico previo á súa produción industrial seriada para poder aplicar esta dedución.

2. Réxime especial dos investimentos empresariais nas Canarias

A disposición final primeira da Lei 14/2021, do 11 de outubro (BOE do 12), modificou a redacción da disposición adicional décimo cuarta da Lei 19/1994, do 6 de xullo, de modificación do Réxime Económico e Fiscal das Canarias, para establecer que o importe de todas as deducións do artigo 36 da LIS non poderá ser superior ao resultado de incrementar nun 80 por 100 o importe máximo a que se refire o devandito artigo cando se trate de producións ou gastos realizados nas Canarias, xa que a disposición adicional décimo cuarta da Lei 19/1991, primeiro parágrafo, no que fai ao 36.1 da LIS fai referencia a “incrementar nun 80 por 100 o importe máximo a que se refire o devandito artigo cando se trate de producións realizadas nas Canarias ".

Como consecuencia do anterior:

O importe da dedución do artigo 36.1 da LIS non poderá ser superior a 18 millóns de euros cando se trate de producións realizadas nas Canarias.
O importe da dedución do artigo 36.2 da LIS non poderá ser superior a 18 millóns de euros cando se trate de gastos realizados nas Canarias.
O importe da dedución do artigo 36.3 da LIS non poderá ser superior a 900.000 euros por produción.

Deducións por donativos e outras achegas

Entidades beneficiarias de mecenado

A disposición final segunda do Real Decreto-lei 17/2020, do 5 de maio, polo que se aproban medidas de apoio ao sector cultural e de carácter tributario para facer fronte ao impacto económico e social do COVID-2019 (modificado pola súa parte pola Lei 14/2021, do 11 de outubro) introduce, con efectos desde o 1 de xaneiro de 2021, unha nova redacción do artigo 2 da Lei 49/2002 que enumera as Entidades beneficiarias do mecenado.
Donativos, doazóns e achegas para actividades prioritarias de mecenado

A disposición adicional sesaxésimo sexta da Lei 11/2020, do 30 de decembro, de Orzamentos Xerais do Estado para o ano 2021 (BOE do 31) establece para 2021 as que se consideran actividades prioritarias de mecenado e eleva en cinco puntos porcentuais as porcentaxes e límites da dedución por donativos do artigo 19 da citada Lei 49/2002, do 23 de decembro, en relación con estas actividades.

Dedución por obras de mellora da eficiencia enerxética de vivendas

Como novidade para 2021 e con efectos desde o 6 de outubro, o artigo 1 do Real Decreto-lei 19/2021, do 5 de outubro, de medidas urxentes para impulsar a actividade de rehabilitación edificatoria no contexto do Plan de Recuperación, Transformación e Resiliencia (BOE do 6), introduciu unha nova disposición adicional quincuaxésima na Lei do IRPF, que regula as seguintes deducións por obras de mellora da eficiencia enerxética de vivendas.

Dedución por obras de mellora que reduzan a demanda de calefacción e refrixeración.
Dedución por obras de mellora que reduzan o consumo de enerxía primaria non renovable.
Dedución por obras de rehabilitación enerxética de edificios de uso predominante residencial.

O importe destas deducións recae sobre a cota íntegra estatal.