Réximes especiais

Imputación de rendas no réxime de transparencia fiscal internacional

O artigo 3.Catro da Lei 11/2021, do 9 de xullo, de medidas de prevención e loita contra a fraude fiscal (BOE do 10), modificou o réxime de transparencia fiscal internacional previsto no artigo 91 da Lei do IRPF, en concordancia coa modificación deste mesmo réxime que se efectúa no Imposto sobre Sociedades, co fin de incorporar as medidas da Directiva (UE) 2016/1164 do Consello, do 12 de xullo de 2016 pola que se establecen normas contra as prácticas de evasión fiscal que inciden directamente no funcionamento do mercado interior, pola que se establecen normas contra as prácticas de evasión fiscal.

Substitución da definición de paraíso fiscal por xurisdicións non cooperativas

O artigo  16 da Lei 11/2021, do 9 de xullo, de medidas de prevención e loita contra a fraude fiscal  (BOE do 10), modificou a disposición adicional primeira da Lei 36/2006, do 29 de novembro, de medidas para a prevención da fraude fiscal, para incluír  a definición de países e territorios que teñen a consideración de xurisdicións non cooperativas que substitúe á de paraíso fiscal, de  nula tributación e de efectivo intercambio de información tributaria.

Así mesmo, a Lei 11/2021  establece que todas referencias efectuadas na normativa do IRPF a paraísos fiscais, a países ou territorios cos que non exista efectivo intercambio de información, ou de nula ou baixa tributación entenderanse efectuadas á definición de xurisdición non cooperativa  que establece  a disposición adicional primeira da Lei 36/2006, do 29 de novembro, na  súa  redacción vixente a partir do  11 de  xullo de 2021.

Non obstante, mentres non se aprobe por Orde Ministerial a relación dos  países  ou territorios que teñen a consideración de xurisdición non cooperativa, terán a devandita consideración os países ou territorios previstos no Real decreto 1080/1991, do 5 de xullo, polo que se determinan os países ou territorios que se consideran como paraísos fiscais.