Normativa

Na normativa tanto estatal coma autonómica optouse pola ligazón ao texto consolidado do BOE, en canto  documento que integra no texto orixinal da  norma  as modificacións e correccións que tivo desde a súa orixe.

A Axencia Estatal Boletín Oficial do Estado ofrece ademais do último texto consolidado e actualizado das principais normas do ordenamento xurídico, as versións intermedias que corresponden a cada unha das modificacións que sufriu ao longo do tempo.

Cada vez que unha norma consolidada é obxecto dunha modificación posterior, aparece  no texto consolidado do BOE un aviso debaixo da listaxe de versións, indicando que a última actualización está en proceso. O tempo que media entre a publicación no BOE da modificación e a elaboración dunha nova versión consolidada que a incorpore, habitualmente é de entre 1 e 3 días laborables, segundo informa o portal web do BOE.

Advertencia : para determinar a normativa aplicable en 2022 teña en conta, no texto consolidado, as entradas en vigor e as datas desde as que  producen efecto as modificacións introducidas nos distintos artigos e disposicións.

1. Normativa básica estatal
2. Normas autonómicas en relación ao IRPF (disposicións legais)