Por cotas satisfeitas á Seguridade Social pola contratación de empregados ou empregadas de fogar

Normativa: Art. 16 quinquiesTexto Refundido das disposicións legais vixentes ditadas pola Comunidade Autónoma das Canarias en materia de tributos cedidos, aprobado por Decreto-lexislativo 1/2009, do 21 de abril

Contía e límite máximo da dedución

• O 20 por 100 das cantidades satisfeitas polos contribuíntes no período impositivo polas  cotas á Seguridade Social dun traballador incluído no Sistema Especial para Empregados do Fogar do Réxime Xeral da Seguridade Social, correspondente á cotización anual dun empregado ou empregada do fogar familiar, que constitúa a vivenda habitual do empregador ou empregadora.

• O importe máximo da dedución non poderá superar os 500 euros anuais,  con independencia do número de persoas contratadas.

Circunstancias que deben concorrer

A dedución resultará aplicable polos contribuíntes que se encontren en calquera das seguintes circunstancias :

1. Que á data de devindicación do imposto teñan dereito á aplicación do mínimo por descendentes, sempre que perciban rendementos do traballo ou de actividades económicas.

2. Que tengan unha idade igual ou superior a 75 anos.

3. Que tengan unha idade superior a 65 anos se teñen a consideración de persoas con discapacidade física, orgánica ou sensorial cun grao igual ou superior ao 65 por 100 ou con discapacidade cognitiva, psicosocial, intelectual ou do desenvolvemento cun grao igual ou superior ao 33 por 100.

Requisitos e outras condicións para a aplicación da dedución

• As cotas satisfeitas atribuiranse integramente ao contribuínte que figure como empregador non sendo que se trate de matrimonios en réxime de gananciais en cuxo caso atribuiranse ao cónxuxes por partes iguais.

• A aplicación da dedución queda condicionada á declaración por parte do contribuínte do número de identificación fiscal ou número de identidade de estranxeiro do traballador incluído no Sistema Especial para Empregados do Fogar do Réxime Xeral da Seguridade Social que xera o dereito a esta dedución.

  O contribuínte poderá deducirse polas cotas satisfeitas por varios traballadores contratados, de forma simultánea ou sucesiva, sempre que se cumpran os requisitos anteriormente citados e con suxeición ao límite de 500 euros anuais por contribuínte.

• A base da dedución minorarase no importe das axudas concedidas polas Administracións Públicas no período impositivo de que se trate, que cubran a totalidade ou parte dos gastos que dan dereito á dedución, sempre que tales axudas teñan a consideración de renda exenta aos efectos do IRPF.