Por familiares dependentes con discapacidade

Normativa: Art. 16 quater Texto Refundido das disposicións legais vixentes ditadas pola Comunidade Autónoma das Canarias en materia de tributos cedidos, aprobado por Decreto-lexislativo 1/2009, do 21 de abril

Contía da dedución

a) 600 euros por cada ascendente ou descendente cun grao de discapacidade igual ou superior ao 65 por 100 que xere o dereito á aplicación do mínimo por discapacidade.
b) O 20 por 100 das cantidades satisfeitas no período impositivo polas cotas á Seguridade Social dun traballador incluído no Sistema Especial do Réxime Xeral da Seguridade Social de Empregados do Fogar, cando se acredite que as persoas con discapacidade necesitan axuda de terceiras persoas e xeren dereito á aplicación do mínimo en concepto de gastos de asistencia, co límite de 500 euros anuais por contribuínte.
Neste suposto b) requírese adicionalmente que tales persoas sexan ascendentes ou descendentes do contribuínte e teñan un grao de discapacidade igual ou superior ao 65 por 100. Consecuentemente, de cumprirse os requisitos de seguido indicados o contribuínte poderá aplicar simultaneamente por un mesmo ascendente ou descendente as deducións previstas nos apartados a) e b).

Requisitos e outras condicións para a aplicación da dedución

No suposto a)

Que a suma da base impoñible xeral e a base impoñible do aforro, recadros [0435] e [0460] da declaración correspondente ao exercicio en que se orixina o dereito á dedución, non sexa superior a :
- - 45.500 euros en tributación individual.
- - 60.500 euros en tributación conxunta.
Cando varios contribuíntes teñan dereito á aplicación da dedución prevista no presente artigo, estarase ás regras do rateo , convivencia e demais límites previstos na normativa estatal do IRPF.

No suposto b)

As cotas satisfeitas atribuiranse integramente ao contribuínte que figure como empregador non sendo que se trate de matrimonios en réxime de gananciais, en cuxo caso atribuiranse ao cónxuxes por partes iguais.
A aplicación da dedución queda condicionada á declaración por parte do contribuínte d o número de identificación fiscal ou número de identidade de estranxeiro do empregado que xera o dereito a esta dedución.
A base da dedución minorarase no importe das axudas concedidas polas Administracións Públicas no período impositivo de que se trate, que cubran a totalidade ou parte dos gastos que dan dereito á dedución, sempre que tales axudas teñan a consideración de renda exenta aos efectos do IRPF.