Para contribuíntes que quedasen viúvos nos exercicios 2022, 2023 e 2024

Normativa: Art. 612-2 Decreto Lexislativo 1/2024, do 12 de marzo, polo que se aproba o libro sexto do Código tributario de Catalunya, que integra o texto refundido dos preceptos legais vixentes en Catalunya en materia de tributos cedidos

Contía da dedución

• 150 euros, con carácter xeral cando o contribuínte quedase viúvo.

• 300 euros, se a persoa que se queda viúva ten ao seu cargo un ou máis descendentes que outorguen dereito á aplicación do mínimo por descendentes.

Ámbito de aplicación temporal da dedución

A dedución aplícase na declaración correspondente ao exercicio en que o contribuínte quedase viúvo e aos dous exercicios seguintes. Malia o anterior, a dedución de 300 euros aplicarase nos dous exercicios seguintes sempre que os descendentes manteñan os requisitos para computar para os efectos do mínimo por descendentes.

Os contribuíntes que se quedasen viúvos durante os exercicios 2022 e 2023 poden aplicar esta dedución cos mesmos requisitos e condicións anteriormente comentados na declaración do exercicio 2024.

De igual forma, os que se quedasen viúvos no exercicio 2024, poderán tamén aplicara nas declaracións dos exercicios 2025 e 2026.

Importante : os contribuíntes con dereito á dedución deberán consignar no recadro [1936] do Anexo B.5 da declaración o ano de viuvez.