Por gastos derivados do arrendamento de vivendas

Normativa: Art. 14 quindecies Texto Refundido das disposicións legais do Principado de Asturias en materia de tributos cedidos polo Estado, aprobado por Decreto Lexislativo 2/2014, do 22 de outubro

Contía e límite máximo da dedución

O importe das cantidades satisfeitas no exercicio que correspondan a algún dos seguintes conceptos:
- - - Gastos de reparación e conservación.
  - - Gastos de formalización de contratos de arrendamento.
  - - Primas de seguros por danos e impagos.
  - - Gastos necesarios para a obbtención de certificados de eficiencia enerxética vinculados con tales arrendamentos.
Importante : non cómpre que o inmoble se encontre arrendado na data en que se satisfagan os gastos. Tales gastos vincúlanse ao investimento que o contribuínte ten que realizar para arrendar a vivenda, non a que exista un contrato de arrendamento en vigor.
O límite máximo da dedución é de 500 euros anuais.

Precisións:

- Trátase dun límite de dedución global, independente do número de inmobles arrendados.

- No réxime de tributación conxunta a dedución resultará aplicable por cada membro da unidade familiar que realice o investimento cos seus propios ingresos, sendo o límite para cada un deles de 500 euros anuais.

Requisitos para a aplicación da dedución

Que os contribuíntes obteñan rendementos do capital inmobiliario polo arrendamento de vivendas.

A dedución resulta aplicable aos arrendamentos de vivenda prevista no artigo 2 da LAU.
Que o destino de tales arrendamentos sexa o de vivenda habitual do arrendatario.
Que se trate de arrendamentos retribuídos a prezos con sostibilidade social.

Considerarase que o arrendamento de vivenda habitual se retribúe a prezos con sostibilidade en virtude do previsto na normativa do Principado de Asturias para estes fins, cuxa aprobación aínda non tivo lugar. En tanto en canto non existan uns prezos de referencia autonómicos aplicaranse supletoriamente os prezos previstos na normativa estatal para estes fins.