Polos gastos vitais en que incorran os contribuíntes de ata 35 anos

Normativa: Art. 14 sexdecies Texto Refundido das disposicións legais do Principado de Asturias en materia de tributos cedidos polo Estado, aprobado por Decreto Lexislativo 2/2014, do 22 de outubro

Contía e límite máximo da dedución

• O importe das cantidades satisfeitas no exercicio que correspondan aos seguintes conceptos :

  A dedución ten que interpretarse en sentido amplo, o lexislador autonómico non pretendeu definir unha lista taxada de gastos senón a natureza dos mesmos. Resultaría admisible calquera gasto asociado aos capítulos de seguido indicados.

  • - Gastos de vivenda e subministracións asociadas á mesma.

    A pretensión do lexislador é admitir calquera tipo de gasto asociado á vivenda , de xeito que resultarán admisibles tanto os gastos realizados coa vivenda en propiedade como os derivados do arrendamento de vivenda.

  • - Gastos educativos.

  • - Gastos de transporte e mobilidade.

  • - Gastos en tecnoloxía.

  • - Gastos deportivos.

  • - Gastos culturais.

• O límite máximo da dedución é de:

  • - 2000 euros para os contribuíntes de ata 25 anos.

  • - 1.500 euros para os contribuíntes con idades comprendidas entre os 26 e os 30 anos.

  • - 1.000 euros para os contribuíntes con idades comprendidas entre os 31 e os 35 anos.

  Precisións :

  - O requisito da idade debe entenderse referido á data en que se produce o feito que dá dereito á dedución e non á data de devindicación do imposto.

  - Aos contribuíntes que se encontren en dous tramos de idade durante o exercicio se lles aplicará o importe máximo da dedución de maior contía.

  - No suposto de tributación conxunta, cando varios membros da unidade familiar cumpran os requisitos para a aplicación da dedución o límite anterior aplicarase para cada un deles e non por declaración.

Requisitos e outras condicións para a aplicación da dedución

• Que se trate de contribuíntes de ata 35 anos de idade.

• Que a suma das bases impoñibles xerais e do aforro, recadros [0435] e [0460] da declaración, non supere os 28.000 euros anuais.

• A acreditación documental dos gastos que xeren dereito a dedución deberá realizarse mediante factura ou calquera outro medio do tráfico xurídico ou económico admitido en Dereito.