Polo incremento dos custos do financiamento alleo para o investimento en vivenda habitual derivado da alza dos tipos de xuro
Normativa: Arts. 10 e 18.2 Texto Refundido das disposicións legais da Comunidade de Madrid en materia de tributos cedidos polo Estado, aprobado por Decreto Lexislativo 1/2010, de 21 outubro
Contía e límite máximo da dedución
-
O importe da dedución será o resultado de aplicar a porcentaxe do 25 por 100 sobre o exceso correspondente aos intereses satisfeitos no período impositivo, segundo as condicións particulares do préstamo hipotecario, sobre os intereses que se satisfixesen se se aplicase ás citadas condicións nese exercicio o euríbor correspondente ao mes de decembro de 2022.
-
O límite máximo da dedución é de 300 euros anuais, tanto en tributación individual coma en tributación conxunta.
Requisitos para a aplicación da dedución
-
Que os contribuíntes satisfagan sumas en concepto de intereses derivados dun préstamo hipotecario constituído para a adquisición da vivenda habitual.
Considerarase vivenda habitual a que se axusta á definición e requisitos establecidos na disposición adicional vixésimo terceira da Lei do IRPF e na súa normativa de desenvolvemento.
-
Que o prezo de adquisición da vivenda , sen considerar os gastos e tributos inherentes á adquisición, sexa igual ou inferior a 390.000,00 euros.
-
Que o préstamo hipotecario fose concertado con entidade financeira a tipo de xuro variable e efectuado antes do inicio do período impositivo.
-
Que no momento de aplicar a dedución o inmoble siga tendo a condición de vivenda habitual.
-
Que a suma da base impoñible xeral e do aforro do contribuínte , canda a correspondente ao resto de membros da súa unidade familiar, suma dos recadros [0435] e [0460] da declaración, non supere a cantidade en euros resultante de multiplicar por 30.930 o número de membros da devandita unidade familiar.
Incompatibilidade
Esta dedución resulta incompatible coa aplicación da dedución autonómica “Polo pagamento de intereses de préstamos para a adquisición de vivenda por mozos menores de trinta anos".
A incompatibilidade recae sobre cada contribuínte, con independencia da modalidade de tributación elixida.