Método e modalidades de determinación do rendemento neto das actividades económicas

Normativa: Art. 16 Lei IRPF

Introdución

Os métodos de determinación do rendemento neto das actividades empresariais, mercantís ou non mercantís, e das profesionais son os seguintes:

Estimación directa, que admite dúas modalidades: normal e simplificada.
Estimación obxectiva, que se aplica como método voluntario a cada unha das actividades económicas, illadamente consideradas, que determine o ministro de Facenda.

Sen prexuízo do comentario detallado de cada un dos métodos e modalidades de determinación do rendemento neto nos capítulos correspondentes do Manual, os cadros dos apartados seguintes recollen as notas máis significativas de cada un dos devanditos métodos e modalidades.

Importante: con efectos desde o 1 de xaneiro de 2024, o artigo 15 do Real Decreto-lei 8/2023, do 27 de decembro, polo que se adoptan medidas para afrontar as consecuencias económicas e sociais derivadas dos conflitos en Ucraína e Oriente Próximo, así como para paliar os efectos da seca modificou a disposición transitoria trixésimo segunda da Lei do IRPF, prorrogando para o período impositivo 2024 os límites cuantitativos excluíntes fixados nos exercicios 2016 a 2023 para a aplicación de método de estimación obxectiva, con excepción das actividades agrícolas, gandeiras e forestais que teñen o seu propio límite cuantitativo por volume de ingresos.