Relación de países e territorios cualificados como xurisdicións non cooperativas na Orde HFP/115/2023, do 9 de febreiro
A disposición transitoria segunda da Lei 36/2006, do 29 de novembro, de medidas para a prevención da fraude fiscal establece que en tanto non se determinen por Orde Ministerial os países ou territorios que teñen a consideración de xurisdición non cooperativa, terán a devandita consideración os países ou territorios previstos no Real decreto 1080/1991.
Pois ben, con entrada en vigor 11 de febreiro de 2023, publicouse a Orde HFP/115/2023, do 9 de febreiro, pola que se determinan os países e territorios, así como os réximes fiscais prexudiciais, que teñen a consideración de xurisdicións non cooperativas (BOE do 10 de febreiro), que actualiza a lista de países e territorios que figuran no Real decreto 1080/1991, do 5 de xullo, aínda que en IRPF non foi de aplicación ata este período impositivo, 2024.
Na nova lista mantéñense países e territorios que xa figuran na lista en vigor do citado Real decreto 1080/1991 e, como novidade, incorpóranse os seguintes: Barbados, Guam, Palaos, Samoa Americana, Trinidad e Tobago e Samoa, no que fai ao réxime fiscal prexudicial (offshore business).
A determinación dos países e territorios que teñen a consideración de xurisdicións non cooperativas atende a determinados criterios, que serán tidos en conta para determinar a súa actualización, fundados nos traballos desenvolvidos no ámbito internacional, tanto no marco da Unión Europea como no da Organización para a Cooperación e o Desenvolvemento Económico (OCDE), e ten en conta que países e territorios están xa intercambiando de forma efectiva información tributaria con España co fin de operar como incentivo a que sigan facendoo.
Respecto daqueles países ou territorios que teñan a consideración de xurisdicións non cooperativas cos que España teña subscrito un convenio para evitar a dobre imposición internacional, resultará tamén de aplicación, na medida en que non sexa contraria ás disposicións do citado convenio (é o caso de Barbados e de Trinidad e Tobago).
Conforme ao anteriormente exposto, saíron da lista orixinal, e polo tanto non figuran na lista de países relacionados na Orde HFP/115/2023, do 9 de febreiro, os seguintes territorios: Antiga e Barbuda, Brunei, Illas Cook, Granada, Xordania, Líbano, Liberia, Liechtenstein, Macau, Mauricio, Mónaco, Monserrat, Nauru, San Vicente e as Granadinas, e Santa Lucía.
Atención : non obstante, teñase en conta que a Orde HFP/115/2023, do 9 de febreiro, pola que se determinan os países e territorios, así como os réximes fiscais prexudiciais, que teñen a consideración de xurisdicións non cooperativas (BOE do 10 de febreiro) actualiza a lista de países e territorios que figuran no Real decreto 1080/1991, do 5 de xullo, incorporando a: Barbados, Guam, Palaos, Samoa Americana, Trinidad e Tobago e Samoa, no que fai ao réxime fiscal prexudicial (offshore business).
Esta nova relación resulta de aplicación en IRPF por primeira vez no IRPF no exercicio 2024.
(1) Orde HFP/115/2023, do 9 de febreiro, BOE do 10 de febreiro
- Anguía.
- Bahrain.
- Barbados.
- Bermudas.
- Dominica.
- Fiji.
- Xibraltar.
- Guam.
- Guernsey.
- Illa de Man.
- Illas Caimán.
- Illas Malvinas.
- Illas Marianas.
- Illas Salomón.
- Illas Turcas e Caicos.
- Illas Virxes Británicas.
- Illas Virxes dos Estados Unidos de América.
- Xersei.
- Palaos.
- Samoa, no que fai ao réxime fiscal prexudicial (offshore business).
- Samoa Americana.
- Seixeles.
- Trinidad e Tobago.
- Vanuatu.