Tratamento liquidatorio das rendas exentas con progresividade que forman parte da base impoñible do aforro
Naqueles supostos en que exista un remanente do mínimo persoal e familiar que ao non poder aplicarse na base liquidable xeral para determinar as cotas íntegras, pase a formar parte da base liquidable do aforro, así como cando o importe deste incrementado na contía das rendas exentas con progresividade supere a cantidade de 6.000 euros, o tratamento liquidatorio das rendas exentas con progresividade que, segundo a súa natureza formen parte da base impoñible do aforro, estrutúrase nas seguintes fases:
-
O importe das rendas exentas con progresividade debe sumarse á base liquidable do aforro sometido a gravame, con obxecto de aplicar ao seu resultado os tipos de gravame das escalas do aforro, estatal e autonómica, que correspondan. Como resultado obtéñense as cotas parciais A e B.
-
Se houber remanente do mínimo persoal e familiar non aplicado na base liquidable xeral áchanse as cotas que corresponda ao devandito remanente aplicando os tipos de gravame das escalas do aforro, estatal e autonómica. Como resultado obtéñense as cotas parciais C e D.
-
A partir das catro cotas parciais obtidas nas fases anteriores calcúlanse as seguintes magnitudes:
-
Cota 1 = cota parcial A - cota parcial C.
-
Cota 2 = cota parcial B - cota parcial D.
-
-
A partir das cotas 1 e 2 calculadas na fase anterior, determínase o tipo medio de gravame, estatal e autonómico. En ambos os dous casos, a cota resultante divídese entre a suma da base liquidable do aforro e as rendas exentas con progresividade a integrar na base impoñible do aforro. O cociente así obtido multiplícase por 100 para determinar deste xeito o tipo medio de gravame.
-
Unha vez obtidos os devanditos tipos medios, estes aplicaranse exclusivamente sobre a base liquidable do aforro, sen incluír as rendas exentas con progresividade. Desta forma obterase a cota íntegra estatal e autonómica, respectivamente, correspondentes á base liquidable do aforro.
Importante: naqueles supostos en que non exista remanente de mínimo persoal e familiar, se a contía da base liquidable do aforro incrementado no importe das rendas exentas con progresividade, non supera a cifra de 6.000 euros, non será preciso efectuar os cálculos anteriormente comentados.
Exemplo
Na declaración do IRPF correspondente a 2024 de don J.L.M., residente en Aragón, constan as seguintes cantidades relativas á base liquidable do aforro:
- Base liquidable do aforro: 50.000
- Importe do mínimo persoal e familiar que forma parte da base liquidable do aforro: 4.200
No exercicio 2024 o contribuínte procedeu á venda dun inmoble urbano sito en Holanda de que obtivo unha ganancia patrimonial de 80.000 euros determinados de acordo coa normativa reguladora do IRPF.
Determinar o importe da parte estatal e a parte autonómica das cotas correspondentes á base liquidable do aforro.
Solución:
De acordo co que se dispón no artigo 25.3 do Convenio entre o Goberno do Estado español e o Goberno do Reino dos Países Baixos para evitar a dobre imposición en materia de impostos sobre a renda e sobre o patrimonio e o seu protocolo, feito en Madrid o 16 de xuño de 1971 (BOE do 16 de outubro), a ganancia patrimonial derivada da transmisión do ben inmoble está exenta do IRPF, pero esta renda tera en contase para calcular o IRPF correspondente aos restantes rendas a integrar na base liquidable do aforro do contribuínte.
Xa que existe un remanente do mínimo persoal e familiar que reduce a base liquidable do aforro para determinar o importe da mesma que se somete a gravame, debe terse en conta a exención con progresividade da ganancia patrimonial derivada da transmisión do inmoble urbano sito en Holanda. Os cálculos que deben realizarse para tal fin son os seguintes:
1. Suma da base liquidable do aforro e o importe das rendas exentas con progresividade
50.000 + 80.000 = 130.000
2. Aplicación das escalas do IRPF ao resultado da suma anterior (130.000)
3. Aplicación das escalas de gravame ao importe do mínimo persoal e familiar
4. Determinación das diferenzas de cotas
5. Determinación dos tipos medios de gravame
-
Tipo medio de gravame do aforro estatal (TMAE) = (13.991 ÷130.000) x 100 = 10,76%
-
Tipo medio de gravame do aforro autonómico (TMGAA) = (13.991 ÷130.000) x 100 = 10,76%
6. Determinación das cotas correspondentes á base liquidable do aforro (50.000):