4. Disposición de dereitos consolidados por mutualistas, partícipes ou asegurados
Normativa: Arts. 51.8, disposición adicional undécima Lei IRPF e 50 do Regulamento IRPF
Lembre: e n aqueles supostos en que a situación que motive a regularización afecte a períodos impositivos anteriores a 2024, consultese o manual práctico correspondente ao citado período impositivo.
Nos casos de disposición de dereitos consolidados por mutualistas de mutualidades de previsión social, incluída a mutualidade de previsión social de deportistas profesionais, así como polos partícipes dos plans de pensións reguladas na Directiva 2003/41/CE do Parlamento Europeo e do Consello, do 3 de xuño, relativa ás actividades e a supervisión de fondos de pensións de emprego, en supostos distintos dos previstos no texto refundido da Lei de Regulación dos Plans e Fondos de Pensións, o contribuínte deberá repor as reducións na base impoñible indebidamente practicadas, presentando autoliquidación rectificativa correspondente ao exercicio 2024. A reposición das reducións na base impoñible indebidamente practicadas en exercicios anteriores realizarase mediante a presentación de declaración complementraria en cada exercicio en que se aplicou a redución. Con esta finalidade, consulte o manual práctico correspondente ao período impositivo afectado.
As devanditas autoliquidacións xerarán xuros de mora que, se é o caso, serán liquidados pola Administración.
As autoliquidacións rectificativas correspondentes ao exercicio 2024 presentaranse no prazo que media entre a data da disposición anticipada e a finalización do prazo regulamentario de declaración correspondente ao período impositivo en que se realice a disposición anticipada.
Véxanse, dentro do Capítulo 13, o apartado "Reducións por achegas e contribucións a sistemas de previsión social", así como o relativo ás "Reducións por achegas á mutualidade de previsión social a prima fixa de deportistas profesionais e de alto nivel".
Atención: se a declaración rectificativa correspondente ao exercicio 2024 responde a esta circunstancia o contribuínte deberá marcar cunha "X" o recadro [115] do apartado "Autoliquidación rectificativa" da declaración .