Réximes especiais

Réxime de imputación de rendas inmobiliarias

Do mesmo xeito que no exercicio anterior, en 2024, con obxecto de evitar un incremento da tributación derivada da tenza de inmobles, respecto da que se aplicou en 2023, naqueles municipios en que os valores catastrais fosen revisados, modificados ou determinados mediante un procedemento de valoración colectiva de carácter xeral, de conformidade coa normativa catastral, sempre que entrasen en vigor a partir do 1 de xaneiro de 2012, seguirán aplicando a imputación ao 1,1 por cento en 2024. 

Réxime de imputación de rendas por socios ou partícipes de institucións de investimento colectivo constituídas en países ou territorios cualificados como xurisdición non cooperativa

A Orde HFP/115/2023, do 9 de febreiro, pola que se determinan os países e territorios, así como os réximes fiscais prexudiciais, que teñen a consideración de xurisdicións non cooperativas (BOE do 10 de febreiro), que comeza a aplicarse en 2024 actualiza a lista de países e territorios que figuran no Real decreto 1080/1991, do 5 de xullo.

Na nova lista mantéñense países e territorios que xa figuran na lista en vigor do citado Real decreto 1080/1991 e, como novidade, incorpóranse os seguintes: Barbados, Guam, Palaos, Samoa Americana, Trinidad e Tobago e Samoa, no que fai ao réxime fiscal prexudicial (offshore business).