Rendementos de traballo

Redución xeral por obtención de rendementos do traballo

O Real Decreto-lei 4/2024, do 26 de xuño, para o ano 2024 modificou o artigo 20 da Lei do IRPF para aumentar o importe máximo da redución por obtención de rendementos do traballo (que pasa de 6.498 euros anuais a 7.302 euros anuais), contía que irá decrecendo en dous tramos (tres en total) a medida que aumenten os citados rendementos netos do traballo.

Percepción das prestacións derivadas da dispoñibilidade anticipada de dereitos consolidados para contribuíntes afectados pola  Depresión Illada en Niveis Altos (DANA)

Co obxecto de facilitar que os afectados pola Depresión Illada en Niveis Altos (DANA) poidan atender as necesidades sobrevidas de liquidez, o artigo 51 do Real Decreto-lei 7/2024, do 11 de novembro, polo que se adoptan medidas urxentes para o impulso do Plan de resposta inmediata, reconstrución e relanzamento fronte aos danos causados pola Depresión Illada en Niveis Altos (DANA) en diferentes municipios entre o 28 de outubro e o 4 de novembro de 2024  (BOE do 12 de novembro), estableceu, con carácter excepcional e exclusivamente durante o período comprendido entre o 13 de novembro de 2024 e o 12 de maio de 2025, a posibilidade de que os partícipes de plans de pensións, así como os asegurados dos plans de previsión asegurada e plans de previsión social empresarial e os mutualistas de mutualidades de previsión social poidan dispor anticipadamente en determinados supostos dos seus dereitos consolidados, fixando as condicións e un importe máximo de disposición.

A percepción de tales prestacións terá a consideración de rendementos do traballo de acordo co artigo 17.2.a) da Lei do IRPF.