Polas subvencións e / ou axudas obtidas como consecuencia dos danos causados polos incendios forestais que provocaron a activación do PEIFOGA en Situación 2 ocorridos en Galicia en 2025

Normativa: Art. 5.Dezaseis Texto Refundido das disposicións legais da Comunidade Autónoma de Galicia en materia de tributos cedidos polo Estado, aprobado por Decreto Lexislativo 1/2011, do 28 de xullo

Contía e requisitos para a aplicación da dedución

• O importe desta dedución será o resultado de aplicar os tipos medios de gravame ao importe da subvención ou axuda que se integre na base liquidable.

• A dedución poderase aplicar polos contribuíntes que integren na base impoñible xeral do período o importe correspondente a unha subvención ou calquera outra axuda pública obtida da Administración xeral da Comunidade Autónoma de Galicia, das incluídas no Decreto 76/2025, do 29 de agosto de 2025, de medidas urxentes de axuda para a reparación dos danos causados polos incendios forestais producidos en Galicia durante o verán e o outono de 2025.