Rendementos de traballo

Redución por rendementos de actividades artísticas obtidos de maneira excepcional

Con efectos desde o 1 de xaneiro de 2025, engádese unha nova disposición adicional sesaxésima á Lei de IRPF que establece unha redución sobre os rendementos íntegros do traballo que proveñan de actividades artísticas obtidos de maneira excepcional, sempre que non proceda aplicar a redución por irregularidade do artigo 18.2 da Lei do IRPF e con suxeición a determinados requisitos, que deriven de:

• a elaboración de obras literarias, artísticas ou científicas.

• a relación laboral especial dos artistas que desenvolven a súa actividade nas artes escénicas, audiovisuais e musicais, así como das persoas que realizan actividades técnicas ou auxiliares necesarias para o desenvolvemento das devanditas artes.