Comunidade Autónoma de Castela-A Mancha

Para contribuíntes maiores de 75 anos

Normativa: Art. 6.1 e 13 Lei 8/2013, do 21 de novembro, da Comunidade Autónoma de Castela-A Mancha, de Medidas Tributarias

Contía da dedución

150 euros para os contribuíntes maiores de 75 anos.

Requisitos

Non procederá a aplicación desta dedución cando o contribuínte maior de 75 anos resida durante máis de 30 días naturais do período impositivo en Centros Residenciais de Maiores da Xunta de Comunidades de Castela-A Mancha ou en prazas concertadas ou subvencionadas por esta noutros centros, a excepción das estancias temporais derivados de convalecencias debidamente acreditadas polo Servizo de Saúde de Castela-A Mancha.
Que a suma da base impoñible xeral e a do aforro do contribuínte, recadros [0435] e [0460] da declaración, non supere :
- 27.000 euros en tributación individual.
- 36.000 euros en tributación conxunta.
Para a aplicación desta dedución teran en contase as normas para a aplicación do mínimo por contribuínte contida na Lei do IRPF.

Incompatibilidade

A dedución por contribuíntes maiores de 75 anos é incompatible coa dedución por discapacidade do contribuínte , respecto da mesma persoa.

Nos supostos en que a persoa maior de 75 anos teña un grao de discapacidade acreditado igual ou superior ao 65 %, aplicarase a dedución por discapacidade do contribuínte.

Polo coidado de ascendentes maiores de 75 anos

Normativa: Art. 6.2 e 13 Lei 8/2013, do 21 de novembro, da Comunidade Autónoma de Castela-A Mancha, de Medidas Tributarias

Contía da dedución

150 euros polo coidado de cada ascendente maior de 75 anos, sempre que cause dereito á aplicación do mínimo por ascendentes.

Requisitos

Non procederá a aplicación desta dedución cando o ascendente maior de 75 anos resida durante máis de 30 días naturais do período impositivo en Centros Residenciais de Maiores da Xunta de Comunidades de Castela-A Mancha ou en prazas concertadas ou subvencionadas por esta noutros centros, a excepción das estancias temporais derivados de convalecencias debidamente acreditadas polo Servizo de Saúde de Castela-A Mancha.
Que a suma da base impoñible xeral e a do aforro do contribuínte, recadros [0435] e [0460] da declaración, non supere :
- 27.000 euros en tributación individual.
- 36.000 euros en tributación conxunta.
Para a aplicación desta dedución teran en contase as normas para a aplicación do mínimo por ascendentes contidos na Lei do IRPF.

Non obstante, cando dous ou máis contribuíntes teñan dereito á aplicación desta dedución respecto dos mesmos ascendentes e algún deles non cumpra o requisito anterior, o importe da dedución para os demais contribuíntes quedará reducido á proporción que resulte da aplicación das normas para o rateo do mínimo por ascendentes.

Incompatibilidade

A dedución por ascendentes maiores de 75 anos é incompatible, coa dedución por discapacidade de ascendentes, respecto da mesma persoa maior de 75 anos.

Nos supostos en que a persoa maior de 75 anos teña un grao de discapacidade acreditado igual ou superior ao 65 %, aplicarase a dedución por discapacidade de ascendentes.

Por acollemento non remunerado de maiores de 65 anos

Normativa: Art. 8 Lei 8/2013, do 21 de novembro, da Comunidade Autónoma de Castela-A Mancha, de Medidas Tributarias

Contía da dedución

600 euros por cada persoa maior de 65 anos, que conviva co contribuínte durante máis de 183 días ao ano en réxime de acollemento sen contraprestación, cando por iso non obtivesen axudas ou subvencións da Comunidade Autónoma de Castela-A Mancha.

Requisitos e outras condicións para a aplicación da dedución

Que o acollemento non dea lugar á obtención de axudas ou subvencións da Comunidade Autónoma de Castela-A Mancha.
Non se poderá practicar a presente dedución, no suposto de acollemento de maiores de 65 anos, cando o acollido estea ligado ao contribuínte por un vínculo de parentesco de consanguinidade ou de afinidade ata o cuarto grao incluído.
Cando a persoa acollida xere o dereito á dedución para máis dun contribuínte simultaneamente##1##, o importe da mesma ratearase por partes iguais na declaración de cada un deles se optasen por tributación individual.
Que a suma da base impoñible xeral e a do aforro do contribuínte, recadros [0435] e [0460] da declaración, non supere :
- 12.500 euros en tributación individual.
- 25.000 euros en tributación conxunta.
  No caso de matrimonios ou unións de feito ratearase o importe da dedución por partes iguais na declaración individual de cada un deles , aínda que só un do cónxuxes ou membros da parella de feito teña unha base impoñible que non supere a contía de 12.500 euros, ou un deles non presente declaración.
Que se acredite, pola consellaría competente na materia, que nin o contribuínte nin a persoa acollida recibiron axudas da Administración da Xunta de Comunidades de Castela-A Mancha vinculada co acollemento.