Comunidade de Madrid

Por acollemento non remunerado de maiores de 65 anos

Normativa: Arts. 7 e 18.1 e 4.b) Texto Refundido das disposicións legais da Comunidade de Madrid en materia de tributos cedidos polo Estado, aprobado por Decreto Lexislativo 1/2010, de 21 outubro

Contía e requisitos para a aplicación da dedución

1.546,50 euros por cada persoa maior de 65 anos, cando se cumpran os seguintes requisitos:

Que conviva durante máis de 183 días ao ano co contribuínte en réxime de acollemento sen contraprestación,
Que a persoa en réxime de acollemento non dea lugar á obtención de axudas ou subvencións da Comunidade de Madrid.

Outras condicións para a aplicación da dedución

A persoa acollida non debe acharse vinculada co contribuínte por un parentesco de grao igual ou inferior ao cuarto, ben sexa de consanguinidade ou de afinidade.
Que a suma das bases impoñibles xerais e do aforro , suma dos recadros [0435] e [0460] da declaración, non supere :
- 26.414,22 euros en tributación individual
- 37.322,20 euros en tributación conxunta
Cando a persoa acollida xere o dereito á dedución para máis dun contribuínte simultaneamente##1##, o importe da mesma ratearase por partes iguais na declaración de cada un deles , se tributasen de forma individual.
O contribuínte que aplique esta dedución deberá obter o correspondente certificado da Consellaría competente, acreditativo de que nin el nin a persoa acollida recibiron axudas da Comunidade de Madrid vinculada ao acollemento.

Por coidado de ascendentes

Normativa: Art. 7 bis Texto Refundido das disposicións legais da Comunidade de Madrid en materia de tributos cedidos polo Estado, aprobado por Decreto Lexislativo 1/2010, de 21 outubro

Contía e requisitos para a aplicación da dedución

515,50 euros por cada ascendente maior de 65 anos polo que poidan aplicarse o mínimo por ascendentes.
Cando o ascendente xere o dereito á dedución para máis dun contribuínte simultaneamente, o importe da mesma ratearase por partes iguais na declaración de cada un deles , se tributasen de forma individual.

Por coidado de maiores dependentes

Normativa: Arts. 11 bis e 18.2 Texto Refundido das disposicións legais da Comunidade de Madrid en materia de tributos cedidos polo Estado, aprobado por Decreto Lexislativo 1/2010, de 21 outubro

Contía e límite máximo da dedución

O 25% das cotas ingresadas polo contribuínte por cotizacións ao Sistema Especial de Empregados de Fogar do Réxime Xeral da Seguridade Social, co límite de dedución de 463,95 euros anuais.##2##

Circunstancias que deben concorrer para aplicar a dedución

A dedución resultará aplicable polas cotizacións correspondentes aos meses do período impositivo en que o contribuínte conviva cun ascendente, descendente, colateral por consanguinidade de segundo grao, ou cónxuxe, en todos os casos maiores de 65 anos, que teña recoñecido algún dos graos de dependencia.

Só se terán en consideración os ascendentes polos que o contribuínte teña dereito á aplicación do mínimo por ascendentes, así como o cónxuxe e os colaterais ata o segundo grao de parentesco por consanguinidade que convivan co contribuínte durante máis de 183 días do período impositivo e non teñan rendas anuais, excluídas as exentas, superiores a 8.000 euros.

Requisitos

O contribuínte debe estar en situación de alta na Seguridade Social como empregadora titular dun fogar familiar, ter contratada e cotizar por unha ou varias persoas polo Sistema Especial de Empregados de Fogar do Réxime Xeral da Seguridade Social durante o período en que se pretenda aplicar a dedución.

Así mesmo, cumprirá que a persoa ou persoas contratadas presten servizos para o titular do fogar familiar durante, polo menos, 40 horas mensuais.
Que a suma da base impoñible xeral e do aforro do contribuínte, canda a correspondente ao resto de membros da súa unidade familiar, suma dos recadros [0435] e [0460] da declaración , non supere a cantidade en euros correspondentes a multiplicar por 30.930 o número de membros da devandita unidade familiar.
Ademais, o empregador debe encontrarse nalgunha das seguintes situacións :
- Realizar unha actividade por conta propia ou allea pola que estea dado de alta no réxime correspondente da Seguridade Social ou mutualidade, polo menos, durante 183 días dentro do período impositivo.
- Percibir prestacións contributivas e asistenciais do sistema de protección do desemprego, pensións abonadas polo Réxime Xeral e os Réximes especiais da Seguridade Social ou polo Réxime de Clases Pasivas do Estado, ou prestacións análogas ás anteriores recoñecidas aos profesionais non integrados no réxime especial da Seguridade Social dos traballadores por conta propia ou autónomos polas mutualidades de previsión social que actuen como alternativas ao réxime especial da Seguridade Social mencionado, sempre que se trate de prestacións por situacións idénticas ás previstas para a correspondente pensión da Seguridade Social.