Comunidade Autónoma de Galicia

Normativa: Art. 4 bis Texto Refundido das disposicións legais da Comunidade Autónoma de Galicia en materia de tributos cedidos polo Estado, aprobado por Decreto Lexislativo 1/2011, do 28 de xullo

Os residentes da Comunidade Autónoma de Galicia aplicarán os seguintes importes en concepto de mínimos do contribuínte, por ascendentes e por discapacidade autonómica:

Mínimo do contribuínte

• 5.789 euros anuais con carácter xeral.

• Máis 1.199 euros anuais por contribuínte maior de 65 anos.

• Adicionalmente 1.460 euros anuais por contribuínte maior de 75 anos.

Mínimo por ascendentes

• 1.199 euros anuais por cada ascendente maior de 65 anos ou con discapacidade calquera que sexa a súa idade.

• Máis 1.460 euros anuais por cada ascendente maior de 75 anos.

Mínimo por discapacidade do contribuínte e de ascendentes

• 3.129 euros anuais por cada contribuínte ou ascendente, cando sexa unha persoa cun grao de discapacidade igual ou superior ao 33 %e inferior ao 65 %.

• 9.387 euros anuais por cada contribuínte ou ascendente, cando sexa unha persoa cun grao de discapacidade igual ou superior ao 65 %.

• Máis 3.129 euros anuais por cada contribuínte ou ascendente que acredite necesitar axuda de terceiras persoas ou mobilidade reducida, ou un grao de discapacidade igual ou superior ao 65 %.