Mínimo por discapacidade

• O mínimo por discapacidade do contribuínte é de 3.000 € anuais e de 9.000 € anuais cando se acredite un grao de discapacidade igual ou superior ao 65 %.

  O devandito mínimo aumentarase, en concepto de gastos de asistencia, en 3.000 € cando se acredite necesitar axuda de terceiras persoas, mobilidade reducida ou un grao de discapacidade igual ou superior ao 65 %.

• O mínimo por discapacidade de ascendentes  será de 3.000 € anuais e de 9.000 € cando se acredite un grao de discapacidade igual ou superior ao 65 %.

  O devandito mínimo aumentarase, en concepto de gastos de asistencia, en 3.000 € por cada ascendente que acredite necesitar axuda de terceiras persoas ou mobilidade reducida ou un grao de discapacidade igual ou superior ao 65 %.

Condicións para a aplicación do mínimo por discapacidade

• A determinación das circunstancias persoais e familiares que deben terse en conta para a aplicación do mínimo por discapacidade realizarase atendendo á situación existente á data de devindicación do imposto (normalmente, o 31 de decembro ou na data de falecemento do contribuínte se este falece nun día distinto do 31 de decembro).

• A aplicación do mínimo por discapacidade de ascendentes  está condicionada a que cada un deles xere dereito á aplicación do mínimo  por ascendentes.

• Cando dous ou máis contribuíntes teñan dereito á aplicación do mínimo por discapacidade respecto dos mesmos ascendentes, o seu importe ratearase entre eles por partes iguais.

  Non obstante, cando os contribuíntes teñan distinto grao de parentesco co ascendente, a aplicación do mínimo corresponderá aos de grao máis próximo, non sendo que estes non teñan rendas anuais, excluídas as exentas, superiores a 8.000 euros, en cuxo caso corresponderá aos do seguinte grao.

• Non procederá a aplicación do mínimo por discapacidade de ascendentes  cando estes presenten declaración polo IRPF con rendas superiores a 1.800 euros.