Prestacións e axudas públicas

Normativa: Art. 7 Lei IRPF

Están exentas entre outras:

As prestacións económicas percibidas de institucións públicas por acollemento de persoas con discapacidade ou maiores de 65 anos.
As axudas económicas outorgadas por institucións públicas a persoas con discapacidade cun grao igual ou superior ao 65 %ou maiores de 65 anos para financiar a súa estancia en residencias ou centros de día, se o resto das súas rendas non exceden do dobre do indicador público de renda de efectos múltiples (IPREM para 2023: 8.400 € - LÍMITE: 8.400 € x 2 = 16.800 €).
As prestacións recoñecidas ao contribuínte pola Seguridade Social, polas entidades que a substitúan ou polas mutualidades de previsión social que actuen como alternativas ao réxime especial da Seguridade Social como consecuencia de incapacidade permanente absoluta ou gran invalidez.
As pensións por inutilidade ou incapacidade permanente do réxime de clases pasivas, sempre que a lesión ou enfermidade que fose causa daquelas inhabilitase por completo ao perceptor da pensión para toda profesión ou oficio.
As prestacións obtidas en forma de renda polas persoas con discapacidade correspondente ás achegas a sistemas de previsión social constituídos a favor de persoas con discapacidade, ata un importe máximo anual de tres veces o indicador público de renda de efectos múltiples (25.200 €). O exceso tributará como rendemento do traballo.
As prestacións económicas públicas vinculadas ao servizo , para coidados no medio familiar e de asistencia personalizada que se derivan da Lei de promoción da autonomía persoal e atención ás persoas en situación de dependencia.