Para contribuíntes con cónxuxes ou parellas de feito con discapacidade

Normativa: Arts. 17 e 3 Lei 5/2021, do 20 de outubro, de Tributos Cedidos da Comunidade Autónoma de Andalucía

Contía e requisitos para a aplicación da dedución

• 100 euros  polo cónxuxe ou parella de feito que cumpra os seguintes requisitos:

  1. Que  non sexa declarante  do   IRPF  no exercicio e

  2. Que teña a  consideración de persoas con discapacidade en grao igual ou superior ao 65 %, de acordo co baremo a que se refire o artigo 367 do texto refundido da Lei Xeral da Seguridade Social, aprobado polo Real decreto Lexislativo 8/2015, do 30 de outubro (BOE  do 31 de outubro).

     Ademais, de acordo coa disposición transitoria primeira da Lei 5/2021, do 20 de outubro, de Tributos Cedidos da Comunidade Autónoma de Andalucía, no caso de persoas  cuxa incapacidade fose declarada xudicialmente con anterioridade ao día 1 de xaneiro de 2022, considerarase acreditado un grao de discapacidade igual ou superior ao 65 %aínda que non acade o devandito grao.

• No caso de  parellas de feito,  estas  teñen que estar inscritas no Rexistro de Parellas de Feito  da Comunidade Autónoma de Andalucía ou en rexistros análogos doutras Administracións Públicas.

• Que a  suma das bases impoñibles xerais e do aforro  do contribuínte, recadros [0435] e [0460 ] da declaración,  non supere  as seguintes cantidades:

  • 25.000 euros  en tributación individual.

  • 30.000 euros  en tributación conxunta.

Incompatibilidade

Non terán dereito a aplicar esta dedución os contribuíntes  cuxos cónxuxes ou parellas de feito con discapacidade aplicasen a dedución para contribuíntes con discapacidade.