Por arrendamento de vivenda habitual

Normativa: Arts. 9, 12 bis e 13 Texto Refundido das disposicións legais da Comunidade Autónoma de Extremadura en materia de tributos cedidos polo Estado, aprobado por Decreto Lexislativo 1/2018, do 10 de abril

Contías e límites máximos da dedución

O 30% das cantidades satisfeitas polo contribuínte no período impositivo en concepto de alugamento da súa vivenda habitual, co límite de 1.000 euros anuais.
O 30% das cantidades satisfeitas polo contribuínte no período impositivo en caso de alugamento de vivenda habitual no medio rural, co límite de 1.500 euros anuais.

Requisitos e outras condicións para a aplicación da dedución

Que concorra no contribuínte algunha das seguintes circunstancias :
1. Que teña na data da devindicación do imposto menos de 36 anos cumpridos. En caso de tributación conxunta, o requisito da idade deberá cumpriro, polo menos, un do cónxuxes, ou, se é o caso, o pai ou a nai.
2. Que forme parte dunha familia que teña a consideración legal de numerosa ou sexa ascendente separado legalmente, ou sen vínculo matrimonial, con dous fillos sen dereito a percibir anualidades por alimentos e polos que teña dereito á totalidade do mínimo por descendentes.
3. Que padeza unha discapacidade física, psíquica ou sensorial, sempre que teña a consideración legal de persoa con discapacidade cun grao de discapacidade igual ou superior ao 65 %, de acordo co baremo a que se refire o artigo 354 do texto refundido da Lei Xeral da Seguridade Social, aprobado polo Real decreto Lexislativo 8/2015, do 30 de outubro (BOE do 31 de outubro).
  
  Non obstante, considerarase acreditado un grao de discapacidade igual ou superior ao 65 %, cando se trate de persoas que fosen declaradas xudicialmente incapacitadas, aínda que non acade o devandito grao.
Que se trate do arrendamento da vivenda habitual do contribuínte , ocupada efectivamente polo mesmo e localizada dentro do territorio da Comunidade Autónoma de Extremadura.
Que se satisfixese polo arrendamento e, se é o caso, polas súas prórrogas o Imposto sobre Transmisións Patrimoniais e Actos Xurídicos Documentados ou, se é o caso, presentásese autoliquidación polo citado imposto.
Que o contribuínte non teña dereito durante o mesmo período impositivo a dedución algunha por investimento en vivenda habitual.
Que nin o contribuínte nin ningún dos membros da súa unidade familiar sexan titulares do pleno dominio ou dun dereito real de uso ou gozo doutra vivenda situada a menos de 75 quilómetros da vivenda arrendada.
Límites:
- Que a suma das bases impoñibles xerais e do aforro (recadros [0435] e [0460] da declaración) non sexa superior ás seguintes cantidades:
  - 28.000 euros en tributación individual.
  - 45.000 euros en tributación conxunta.
- Se o contribuínte ten a súa residencia habitual en municipios e entidades locais menores cunha poboación inferior a 3.000 habitantes e pertence a unha familia numerosa, non existirá ningún límite.
Cando dous ou máis contribuíntes teñan dereito á aplicación desta dedución respecto dos mesmos bens para un mesmo período impositivo, o seu importe ratearase entre eles por partes iguais.

O rateo da dedución está referido unicamente ao seu límite máximo.

En caso de matrimonio, calquera que sexa o réxime económico matrimonial, soamente ten dereito á dedución o cónxuxe ou cónxuxes que figuren como arrendatarios no contrato . Véxase ao respecto a Sentenza do Tribunal Supremo núm. 220/2009, do 3 de abril (Sala do Civil), recaída no recurso de casación número 1200/2004 (ROJ: STS 2464/2009).
No caso de que só unha parte das cantidades satisfeitas no exercicio polo alugamento de vivenda habitual séxao por arrendamento no medio rural a dedución aplicable por cada un dos tipos de arrendamento non poderá exceder de 1.500 euros conxuntamente, xa que se trata dunha única dedución con ímites incrementados para o suposto de arrendamento no medio rural.

Para contribuíntes falecidos antes do 15 de setembro de 2023

Contías e límites máximos da dedución

O 5% das cantidades satisfeitas polo contribuínte no período impositivo en concepto de alugamento da súa vivenda habitual, co límite de 300 euros anuais.
O 10% das cantidades satisfeitas polo contribuínte no período impositivo en caso de alugamento de vivenda habitual no medio rural, co límite de 400 euros anuais.

Terá a consideración de vivenda no medio rural aquela que se encontre en municipios e entidades locais menores cunha poboación inferior a 3.000 habitantes.

Requisitos e outras condicións para a aplicación da dedución

Mantéñense os requisitos anteriores coas seguintes precisións:

Que concorra no contribuínte algunha das seguintes circunstancias :
1. Que teña na data da devindicación do imposto menos de 36 anos cumpridos. En caso de tributación conxunta, o requisito da idade deberá cumpriro, polo menos, un do cónxuxes, ou, se é o caso, o pai ou a nai.
2. Que forme parte dunha familia que teña a consideración legal de numerosa.
3. Que padeza unha discapacidade física, psíquica ou sensorial, sempre que teña a consideración legal de persoa con discapacidade cun grao de discapacidade igual ou superior ao 65 %, de acordo co baremo a que se refire o artigo 354 do texto refundido da Lei Xeral da Seguridade Social, aprobado polo Real decreto Lexislativo 8/2015, do 30 de outubro (BOE do 31 de outubro).
  
  Non obstante, considerarase acreditado un grao de discapacidade igual ou superior ao 65 %, cando se trate de persoas ou que fosen declaradas xudicialmente, aínda que non acade o devandito grao.
Que a suma das bases impoñibles xerais e do aforro (recadros [0435] e [0460] da declaración) non sexa superior ás seguintes cantidades:
1. En xeral:
  - 19.000 euros en tributación individual.
  - 24.000 euros en tributación conxunta.
2. No suposto de que o contribuínte resida habitualmente en municipios e entidades locais menores cunha poboación inferior a 3.000 habitantes (neste suposto, se o contribuínte pertence a unha familia numerosa, non existirá ningún límite):
  - 28.000 euros en tributación individual.
  - 45.000 euros en tributación conxunta.
  En caso de matrimonio, este límite de 45.000 euros aplicarase sempre que polo menos un do cónxuxes tivese a súa residencia habitual durante o período impositivo nalgún dos municipios ou entidades locais menores cunha poboación inferior a 3.000 habitantes.
Pode consultar os municipios e entidades locais menores cunha poboación inferior a 3.000 habitantes na seguinte ligazón: "Municipios e entidades locais menores cunha poboación inferior a 3.000 habitantes".
No caso de que só unha parte das cantidades satisfeitas no exercicio polo alugamento de vivenda habitual séxao por arrendamento no medio rural a dedución aplicable por cada un dos tipos de arrendamento non poderá exceder do seu propio límite, nin de 400 euros conxuntamente, xa que se trata dunha única dedución con porcentaxes e límites incrementados para o suposto de arrendamento no medio rural.