Orde de aplicación das deducións sobre a cota íntegra autonómica

Tras as novidades para o exercicio 2023  indicadas nos apartados anteriores as deducións autonómicas aplicaranse na seguinte orde:

1. O importe das  deducións do exercicio  2023  non incluídas no apartado 3 seguinte.

2. O importe das  deducións "Por familia numerosa", "Por nacemento ou adopción de fillos", "Por partos múltiples ou adopcións simultáneas", "Por gastos de adopción", "Por coidado de fillos menores" e "Por cotas á Seguridade Social de empregados do fogar "pendentes  de aplicación de exercicios anteriores  (2020, 2021 e 2022)  e  o importe da  dedución por paternidade pendente de aplicación polo exercicio 2020.

3. O importe das  deducións "Por familia numerosa", "Por nacemento ou adopción de fillos", "Por partos múltiples ou adopcións simultáneas", "Por gastos de adopción", "Por coidado de fillos menores" e "Por cotas á Seguridade Social de empregados do fogar " xerado no exercicio  2023. A suma de tales importes consignarase de forma conxunta no recadro  [0995].